Ang Kaayohan sa mga Ilustrasyon nga Nagatudlo

Ang makitang mga ilustrasyon mas epektibo kay sa sinulat nga pulong sa pagtudlog hinungdanong mga ideya. Gisaysay sa usa ka inahan kon sa unsang paagi nakahatag kaniyag kalipay ang ilustrasyon:

“Ang praktikal nga mga ilustrasyon diha sa libro Ikaw Mahimong Mabuhi sa Paraiso sa Yuta maoy akong kinaham tungod sa ilang pagkatukma sa tin-awng pagpunting sa puntong gihisgotan.

“Apan, ang akong pagpabili sa ilang pagkamapaigoon misamot sa miaging Dominggo dihang ang usa ka sakop sa among pamilya naaksidente. Ang akong anak nga lalaki, si Aaron, nabalian ug bukton, ug miingon ang doktor nga kinahanglang hatagag general anesthesia aron mabalik kini. Samtang gidala ang akong anak, mibati akog dakong kahiwasa. Samtang milabay ang panahon, misamot ang akong kabalaka.

“Dayon ang ilustrasyon sa kapitulo 11, sa panid 100, mitungha sa hunahuna. Ang unod sa mga pulong sa daplin sa ilustrasyon mao, ‘Sama nga itugot sa ginikanan nga maagoman sa anak ang masakit nga operasyon, ang Diyos may maayong katarongan usab sa temporaryong pagtugot nga mag-antos ang mga tawo.’ Samtang gisoblisobli ko kini sa akong hunahuna, ang kalinaw sa Diyos miabot kanako, ug nakapabilin akong kalmado ug nakapugong sa kaugalingon.”

Kapin sa 150 ka ekselente matun-anong mga ilustrasyon, ang kadaghanan sa matahom nga kolor, makita niining maayong publikasyon. Pagsulat ug ibuson ang nagaubang kupon, lakip sa ₱35.00, ug dawata ang imong kopya.

Palihog ipadala, binayran nang prangkiyo, ang gahig-hapin, 256-panid nga libro Ikaw Mabuhing Walay Kataposan sa Paraiso sa Yuta. Gisukip ko ang ₱35.