Iyang Naabot ang Iyang Tumong

Sa panahon sa pakigpulong sa Bibliya, ang ministro miingon nga ang Kristohanon kinahanglan maghimog personal nga mga tumong ug dayon maningkamot sa pag-abot niini. Ang kuwatro-anyos nga batang babaye nga nakadungog sa pakigpulong misulti sa iyang mga ginikanan sa pagkasunod buntag nga may tumong siya sa pagpamati sa tibuok 256-panid nga My Book of Bible Stories nga girekord diha sa mga teyp. Ang iyang inahan misulat:

“Nagpahiluna siyag maayo nga may unlan, rekorder, mga teyp, ug libro, ug mihangyo nga andaman siyag matimo sa tibuok adlaw. Wala motuo kaniya, misugot ako, naghunahuna nga kapuyan ra siya sa dili madugay. Niadtong buntaga, gisusi ko siya sa makadaghan sa pagtan-aw kon unsa nay iyang lakat. Tapos sa mga duha ka oras, misugyot ako nga tingalig taas ra kaayo kini nga panahon ug mahimong taposon lang niya kini ugma. Apan desidido siya. Sa ulahi niadtong hapona, migawas siya sa lawak, nga nanuyhad ug nanikig ug diyutay, apan may magarbohong pahiyom. Miabot kinig hapit unom ka oras, apan iyang naabot ang iyang tumong!

“Niining panahona nga nagsugod siya sa pagtungha, ang iyang magtutudlo nag-ingon nga siya mao ang labing maayong mobasag kusog nga iyang nadunggan sukad.”

Ikaw, usab, makadawat niining mga teyp ug ang librong Akong Basahon sa mga Estorya sa Bibliya, o ang duha, pinaagi sa pagsulat ug sa pagbuson sa nagaubang kupon.

Palihog ipadala, binayran na ang prangkiyo, ang kapehon vinyl album nga may upat ka teyp sa My Book of Bible Stories. Gisukip ko ang ₱120. [ ] Ipadala ang 256-panid, ilustradong Akong Basahon sa mga Estorya sa Bibliya, nga alang niini gisukip ko ang ₱35.00. [ ] Tsekahi ang usa o duha, ug ipadala ang eksaktong amot. (Gawas sa Pilipinas, pagsulat sa lokal nga sanga sa Watch Tower Society alang sa impormasyon.)