“Dili na Ako Ateyista!”

“Akong nahibalag ang usa ka babaye nga taga Polandiya nga usa ka propesor,” nagtaho ang usa ka misyonaryo sa Senegal, Aprika. “Dugay ang among panaghisgot, ug gisingkamotan nakong matubag ang daghan niyang pangutana.” Ang propesor mibalibad sa usa ka basahong gilaraw alang sa pagtuon sa Bibliya, nga misaysay: “Ako ateyista. Wala akoy interes nianang libroha.” Hinuon, gidawat niya ang librong Life—How Did It Get Here? By Evolution or by Creation?

“Sa pagbalik nako sa sunod semana,” nagtaho ang misyonaryo, “mahinamon siyang misugilon kanako nga iyang nabasa ang tibuok nga libro. Sa gisugyot kong susihon ang librong Creation uban kaniya, siya mitubag: ‘Apan dili na kinahanglang magtuon ako karon nianang libroha! Nahurot na nako kana sa pagbasa, ug nakausab kana sa bug-os sa akong hunahuna—dili na ako ateyista! Karon buot nakong tun-an mo ako niadtong pulang librong imong unang gipakita kanako, kauban sa Bibliya!’”

May nailhan ka bang ateyista o tingali usa nga nagaduhaduha sa pagkamatuod sa Bibliya? Nganong dili padad-an kanang tawhana sa usa ka gasang kopya sa Life—How Did It Get Here? By Evolution or by Creation? Mahimo nimo kana pinaagi sa pagpel-ap lamang ug pagbuson sa kupon sa ubos, nga magasukip ug ₱35.00 lamang uban sa kupon.

Palihog ipadala, nga binayran nang prangkiyo, ang usa ka gasang kopya sa 256-panid nga librong Life—How Did It Get Here? By Evolution or by Creation? ug usa ka sulat nga nagpatin-awng kini usa ka gasa gikan kang ‐‐‐‐‐‐‐‐‐‐‐‐‐‐‐ (imong ngalan). Akong gisukip ang ₱35.00.