“Ang Labing Maayo”

Mao kanay giingon sa usa ka propesor sa Ingles gikan sa usa ka kolehiyo sa Georgia, U.S.A., mahitungod sa magasing Pagmata! Siya misulat dili pa dugay:

“Ginagamit ko ang mga magasing Pagmata! sa akong mga kursong composition sa kolehiyo sa pito na ka tuig, ug ikaingon ko, ang inyong mga magsusulat mao ang labing maayo. Ang makapukaw sa interes nga mga introduksiyon ug ang tin-aw kaayong detalye nga makita diha sa daghang mga artikulo maoy ekselenteng mga pananglitan alang sa nagsugod pa, kasarangan, ug maayo nang mga magsusulat.

“Ang mga artikulo diha sa Pagmata! dili lamang makalingaw ug daghag impormasyon kondili hataas usab kaayo ug kalidad sa paggamit ug gramatika. Akong gigamit kini sa pagkutlo sa paggamit ug tukmang panuldok, sinultihan nga lahig kahulogan, mahulagwayong pinulongan, ug paglitok. Ang pagkaladlad sa bag-ong mga pulong nga makuha sa magbabasa sa pagkamatuod maoy usa ka hagit, apan makapapresko, nga kausaban gikan sa kasagarang mga magasin sa balita. Ang kalamposan sa Pagmata! nagapamatuod sa kalidad sa panahon ug pagtagad nga gigugol sa matag gula.”

Kon buot kang mahibalo kon sa unsang paagi nga imong madawat ang Pagmata!, palihog sulati lamang ug ibuson ang nag-ubang kupon.

Buot kong mahibalo kon sa unsang paagi madawat nako ang magasing Pagmata! nga ipadala sa akong balay. (Pagsulat sa direksiyon sa ubos alang sa impormasyon. Gawas sa Pilipinas, pagsulat sa lokal nga sangang buhatan sa Watch Tower alang sa impormasyon. Tan-awa ang panid 2.)