Buot Ka Bang Maduaw?

Sa miaging tuig usa ka babaye nga taga Corpus Christi, Texas, U.S.A., misulat sa Watchtower Society sa Brooklyn, New York, nga nag-ingon: “Ang akong ngalan mao si Emily, ug ako nagtuon sa basahon nga gihatag sa mga Saksi ni Jehova kanako sa pila ka semanang milabay. Human nabasa ang mga magasin ug gitandi kini sa among Bibliya sa pamilya, akong nakita nga ang Romano Katolikong Iglesya mopatim-aw nga wala magtudlo kon unsay anaa sa Balaang Bibliya. Wala gayod sila maghisgot mahitungod sa ngalan sa Diyos o sa umaabot nga Gingharian sa Diyos, nga akong nakita nga mao ang pangunang mga ulohan sa akong Bibliya. Miundang na ako sa pag-adto sa simbahan sa among pamilya ug nagsugod sa pagtuon sa Bibliya, salamat sa inyong matud-anong basahon.

“Buot kong magsugod sa pakig-uban sa lokal nga kongregasyon sa mga Saksi ni Jehova. Palihog ipahibalo kanila nga maduaw ako sa akong balay aron kami magkasultihanay.”

Ang usa sa mga Saksi ni Jehova malipay usab sa pagduaw kanimo ug sa pagtabang kanimo aron modugang ang imong kahibalo mahitungod sa Diyos, sa iyang Gingharian, ug sa iyang mga katuyoan, sumala sa narekord sa Bibliya. Aron makapahimulos ka niining pag-alagara, isulat lamang ang gihangyong impormasyon sa ubos ug ibuson kini sa direksiyon diha sa kupon.

Buot kong mahibalo pa ug dugang sa Bibliya. Palihog hikaya nga may moduaw kanako.