‘Ang Libro Kanunayng Mawala’
Kana ang giingon sa usa ka magtutudlo sa hayskol sa habagatang California, U.S.A., mahitungod sa librong Mga Pangutanang Gisukna sa mga Batan-on—Mga Tubag nga Mosaler. Gisugdan sa tunghaan ang usa ka yugto sa adlaw-adlaw nga pagbasa nga niining panahona ang mga estudyante makabasa sa bisan unsa nga ilang gusto. Siya nagbutang ug mga literatura, lakip ang librong Mga Pangutanang Gisukna sa mga Batan-on, alang sa mga estudyante nga walay gidalang mabasa.
“Ang libro mao ang labing popular sa klase,” siya miingon. “Kini mawala sa daghang oras, o mga usa o duha ka adlaw, unya motungha na usab. Ang mga estudyante mangutana sa ilang mga higala, ‘Nakabasa ka ba niini?’ o mokomento, ‘Maanindot nga libro kana.’ Human nga itudlo ang mga butang sa ilang mga higala, sila mobalik ug mobasa pag dugang.
“Ang mga panid nangatangtang na, ug ang libro hapit nang maguba. Ang labing nadunot nga kapitulo mao ang numero 23, ‘Unsay Ikasulti Bahin sa Sekso sa Dili pa Magminyo?’ Ang mga estudyante nakagusto sa mga hulagway, ug ilang makita ang ilang kaugalingon diha sa mga kapsiyon. Akong nakita ang usa ka estudyante nga nagbasa sa kapitulong ‘Nganong Nagbulag si Papa ug Mama?’
“Wala magdugay ang unang libro nawala, busa nagbutang ako ug lain. Unya nahibalik ang una, busa karon duha na ang libro. Tulo o upat ka bulan ang milabay sukad nga gibutang ko ang unang libro, ug kini ginabasa gihapon.”
Ang ubang mga kapitulo uban sa 39 diha sa libro mao ang “Sa Unsang Paagi Makabaton Akog Tinuod nga mga Higala?” “Unsa ka Hinungdanon ang Panagway?” ug “Unsaon Nako Pagkaila Kon Kini Tinuod nga Gugma?” Kon buot kang mahibalo kon sa unsang paagi imong madawat ang usa ka kopya niining maanindot nga pagkailustrar nga libro, palihog pel-api ug ipadala ang kupon.
Buot kong mahibalo kon sa unsang paagi madawat nako ang 320-panid gahig-haping libro nga Mga Pangutanang Gisukna sa mga Batan-on—Mga Tubag nga Mosaler. (Pagsulat sa direksiyon sa ubos alang sa impormasyon. Gawas sa Pilipinas pagsulat sa lokal nga sangang buhatan sa Watch Tower Society alang sa impormasyon. Tan-awa ang panid 2.)