“Mobasa pa Kitag Dugang sa Dili pa Mobiaybiay”

MAO kanay gisulti sa usa ka tawo gikan sa New Zealand bahin sa Ang Bantayanang Torre, ang magasin nga imong ginabasa. Mahitungod sa usa ka artikulo bahin sa langitnong karo sa Diyos nga gihubit sa Ezekiel kapitulo 1, ang tawo misulat:

“Ang matag usa niining upat ka buhing linalang, o kerubin, adunay upat ka pako ug upat ka nawong. Sila nakabaton ug nawong sa leyon, nga nagpaila sa hustisya ni Jehova; nawong sa baka, nga naghawas sa gahom sa Diyos; nawong sa agila, nga nagpadayag sa iyang kaalam; ug nawong sa tawo, nga nagpakita sa gugma ni Jehova.

“Tapos sa balikbalik nga pagbasa niini, ako nalipay. Nanglugmaw ang mga luha sa akong mga mata, nianang sa kalipay. Ang gihunahuna ko dayon mao, ‘Pagkatahom ug pagkamaayo mo, Jehova!’ Nahibulong kaayo ako sa akong kaugalingon tungod niining bag-ong mga pagbati ngadto kang Jehova nga Diyos kinsa akong gibiaybiay sulod sa daghang katuigan, kay usa pa ako ka kalibotanong tawo. Moingon akog ‘salamat’ sa mga Saksi ni Jehova, ug sa daghan nga sama kanako, ako moingon, ‘Mobasa pa kitag dugang sa dili pa mobiaybiay.’”