Gisul-ob Niini ug Balik ang mga Singsing sa Ilang mga Tudlo

“TAN-AWA ang akong mga tudlo. Duna ka bay nakitang kalainan?” Gipakita sa lalaki ang iyang kamot ngadto sa babaye, nga usa sa mga Saksi ni Jehova, kinsa mitan-aw niana ug dihadiha nakamatikod nga ang iyang singsing sa kasal wala na. Ang lalaki misaysay nga siya ug ang iyang asawa dili na magkasinabot, busa sila mihukom nga magbulag. “Dili!” ang Saksi miingon. “Kuhaa kining libroha ug basaha kini. Motabang kini kaninyo sa inyong kaminyoon.” Niana, gihatagan niya siya ug kopya sa pinasukad-sa-Bibliyang libro nga Kahibalo nga Motultol sa Kinabuhing Walay Kataposan.a

Pipila ka adlaw sa ulahi ang lalaki mibalik ngadto sa Saksi nga malipayon. Iyang gipakita kaniya ang iyang kamot. Niining panahona siya nagsul-ob na sa iyang singsing sa kasal. Siya miingon kaniya nga siya ug ang iyang asawa mibasa sa librong Kahibalo ug sila karon malipayon kaayo. Ang libro sa literal nagsul-ob ug balik sa mga singsing sa ilang mga tudlo.

Ang tambag sa Bibliya makatabang sa bana ug asawa sa pagpakitag tinuod nga gugma sa usag usa. Tinuod kini tungod kay ang awtor sa Bibliya walay lain kondili ang atong Maglalalang, kinsa nag-ingon: “Ako, si Jehova, mao ang imong Diyos, ang Usa nga nagtudlo kanimo aron ikaw makabaton ug kaayohan, ang Usa nga nagpasubay kanimo sa dalan nga angay mong pagalaktan.”—Isaias 48:17.

[Footnote]