Kristohanong Gugma—Dili kay mga Pulong Lamang

SA DIHANG gilamon sa kalayo ang ilang balay sa Trinidad, ang pamilya Bartholomew nawad-an sa tanan gawas sa ilang kinabuhi. May usa ka paryenteng nagpuyo sa duol nga nagpapuyo kanila sa iyang balay, apan dili kana ang kataposan sa sugilanon.

Si Olive Bartholomew maoy usa sa mga Saksi ni Jehova, ug ang mga membro sa kongregasyong iyang gialagaran—maingon man kadtong anaa sa palibot—naghatag ug mga amot aron matukod pag-usab ang nasunog nga balay niya ug sa iyang pamilya. Nag-organisar ug usa ka komite aron sa pagdumala sa proyekto sa pagtukod pag-usab, ug nagsugod ang konstruksiyon. Mga 20 ka Saksi, apil sa pipila ka silingan, ang tua didto sa gitukoran. Bisan mga batan-on miapil, samtang ang uban presente aron sa pagdalit ug mga meryenda.

“Natandog gayod ang akong pamilya,” matod pa ni Olive, sumala sa gitaho diha sa Sunday Guardian sa Trinidad. “Dili sila mga Saksi, ug nahimut-okan gihapon ang akong bana sa iyang nakita.”

Sa pagsumaryo sa maong paningkamot, ang koordinetor sa proyekto sa pagtukod nagpasiugda nga ang ingon nianang mga buhat maoy tinuod nga mga ilhanan sa matuod nga Kristiyanidad. “Dili lang kami basta moduaw sa lainlaing mga balay nga naghisgot bahin sa gugma,” siya miingon. “Naningkamot kami nga ipadapat kon unsay among gisangyaw.”—Juan 13:34, 35.

[Hulagway sa panid 32]

Si Olive Bartholomew uban sa iyang bana