Imbitasyon Alang sa Usa ka Espesyal nga Pakigpulong
Mahimong Mobati Kang Luwas Niining Gubot nga Kalibotan!
Kining binase-sa-Bibliya nga diskurso igapahayag sa tibuok kalibotan diha sa kapin sa 230 ka nasod. Sa kadaghanang dapit, ang pakigpulong ipahayag sa Dominggo, Abril 15, 2007. Unsay imong makat-onan niining pakigpulonga? Tagda pananglitan ang mosunod nga mga pangutana:
Unsay hinungdan kon nganong ang bilyon-bilyong tawo sa tibuok kalibotan wala na mobating luwas?
Kanus-a, sa partikular, nga ang tawo wala na mobating luwas?
Asa ug sa unsang paagi makaplagan ang tinuod nga kaluwasan?
Sayra ang mga tubag pinaagi sa pagtambong niining hinungdanong binase-sa-Bibliya nga pakigpulong nga ipahayag diha sa tinagpulo ka libong lokasyon. Kasagaran, kini ipahigayon diha sa lokal nga Kingdom Hall sa mga Saksi ni Jehova. Ang mga Saksi sa inyong dapit malipay sa pagpahibalo kanimo sa oras ug adres. Kami kinasingkasing nga nagdapit kanimo sa pagtambong niining tukma-sa-panahon nga binase-sa-Bibliya nga pakigpulong.