‘Ampingi ang Imong Kasingkasing!’

Distritong Kombensiyon sa mga Saksi ni Jehova

Tema Sa Biyernes

“Alang Kang Jehova, Siya Nagatan-aw sa Kasingkasing”—1 SAMUEL 16:7.

TEMA SA SABADO

“Gikan sa Kadagaya sa Kasingkasing ang Baba Mosulti”—MATEO 12:34.

TEMA SA DOMINGGO

‘Alagara si Jehova Uban ang Bug-os nga Kasingkasing’—1 CRONICAS 28:9.

Ang Bibliya naghisgot sa kasingkasing duolag usa ka libo ka beses. Kasagaran, ang Kasulatan nagtumong, dili sa literal nga kasingkasing, kondili sa mahulagwayong kasingkasing. Unsa ang mahulagwayong kasingkasing? Ang maong termino mahimong magpasabot sa sulod nga pagkatawo—kon unsay panghunahuna, pagbati, ug tinguha sa usa.

Nganong angay natong ampingan ang atong mahulagwayong kasingkasing? Giinspirar sa Diyos si Haring Solomon sa pagsulat: “Labaw sa tanan nga pagabantayan, ampingi ang imong kasingkasing, kay niana nagagikan ang mga tuboran sa kinabuhi.” (Proverbio 4:23) Ang atong kinabuhi karon ug ang atong paglaom sa umaabot nagdepende sa kahimtang sa atong mahulagwayong kasingkasing. Ngano? Sanglit ginatan-aw sa Diyos kon unsay anaa sa atong kasingkasing. (1 Samuel 16:7) Ang atong sulod nga pagkatawo, ang “natago nga pagkatawo sa kasingkasing,” maoy magtino kon unsay pagbati sa Diyos kanato.—1 Pedro 3:4.

Sa unsang paagi nato maampingan ang atong kasingkasing? Ang tubag sa maong pangutana tin-awng pagahisgotan sa ‘Ampingi ang Imong Kasingkasing!’ nga Distritong Kombensiyon sa mga Saksi ni Jehova, nga nagsugod sa bulan sa Mayo didto sa Amerika ug nagpadayon sa tibuok kalibotan. Ikaw kinasingkasing nga gidapit sa pagtambong sa tanang tulo ka adlaw nga kombensiyon.a Ang imong makat-onan makatabang nimo sa pagkinabuhi sa paagi nga makapalipay sa kasingkasing ni Jehova nga Diyos.—Proverbio 27:11.

[Footnote]

[Picture Credit Line sa panid 32]

Photo on right: Aus dem Fundus der MÜNCHNER OLYMPIAPARK GMBH, München