Nganong ang mga Tawo Mag-ampo?

Kanunay ka bang mag-ampo? Ginahimo kana sa daghan, bisan sa ubang ateyista. Apan nganong mag-ampo man ang mga tawo? Sa usa ka surbi sa France, 50 porsiyento sa mga French mag-ampo o mamalandong usahay “aron lang mogaan ang ilang gibati.” Sama sa daghang taga-Europe, sila mag-ampo dili aron sa pagsimba sa Diyos kondili aron lang “makalma.” Ang uban usab nga nagtuog Diyos moampo lang kon dunay pangayoon, ug magdahom nga tubagon dayon ang ilang mga hangyo.—Isaias 26:16.

Komosta sa imong bahin? Ang pag-ampo paagi lang ba aron makahunahuna kag tarong? Kon nagtuo ka sa Diyos, nakatabang ba nimo ang pag-ampo kaniya? O gibati nimo nga wala tubaga ang imong mga pag-ampo? Ang Bibliya makatabang nimo nga isipon ang pag-ampo dili ingong paagi nga makapagaan lang sa gibati, kondili ingong importanteng paagi nga masuod sa Diyos.