Kaundan

Pila ka panaad ang imo nang nahimo ngadto kang Jehova? Usa, duha, o kapin pa? Natuman ba nimo kana kutob sa imong maarangan? Gituman ba sab nimo ang imong pahinungod o ang imong panaad sa kaminyoon? Kining artikuloha magpahinumdom nato sa maayong panig-ingnan ni Jepte ug Ana samtang tumanon nato ang atong mga panaad sa Diyos.

Kita sagad maghanduraw sa mga butang nga itagana ni Jehova sa Paraiso, pero hisgotan niining artikuloha ang mga butang nga iyang wad-on. Unsay wad-on ni Jehova aron magmalinawon ug magmalipayon ang kalibotan? Ang paghunahuna sa tubag niana makapalig-on sa atong pagtuo ug determinasyon sa paglahutay.

Kon maghunahuna ta nga kita nakaeksperyensiya o nakamatikod ug inhustisya, masulayan ang atong pagtuo, pagkamapainubsanon, ug pagkamaunongon. Hisgotan niining mga artikuloha ang tulo ka asoy sa Bibliya nga makatabang nato aron ang atong panglantaw sa hustisya mahisama nianang kang Jehova.

Walay kulang kang Jehova, pero malipay siyang makita nga gusto kaayo natong suportahan ang iyang pagkasoberano. Ipakita sa Maghuhukom kapitulo 4 ug 5 nga pabilhan ni Jehova ang atong kinabubut-ong pagsunod sa iyang direksiyon.