Kaundan

Para sa katawhan ni Jehova, ang pag-awit maoy usa ka importanteng bahin sa pagsimba. Bisan pa niana, ang pipila tingali dili komportableng mokanta diha sa publiko. Unsay atong buhaton aron dili ta magduhaduha sa paggamit sa atong tingog sa pagdayeg kang Jehova? Kining artikuloha magtudlo nato kon nganong importante ang pag-awit nga malipayon ug maghatag ug mga sugyot sa pagpauswag sa atong pagkanta.

Makakat-on tag importanteng mga leksiyon gikan sa kahikayan sa mga siyudad nga dalangpanan sa karaang Israel. Sa unang artikulo, susiha kon sa unsang paagi ang mga nakasala makadangop kang Jehova karon. Sa ikaduhang artikulo, tan-awa kon sa unsang paagi ang ehemplo ni Jehova makatabang nato sa pagpasaylo sa uban, pagtahod sa kinabuhi, ug pagpakitag hustisya.

Kining duha ka artikulo gibase sa inspiradong tambag ni Pablo sa mga Kristohanon sa Colosas. Ang unang artikulo nagpakita kon unsay angayng buhaton kon makadungog tag kalibotanong mga ideya nga morag makadani o makapakombinsir nato. Ang ikaduhang artikulo magpahinumdom nato sa paglikay sa mga panggawi nga makapugong nato sa pagdawat sa mga panalangin nga gisaad ni Jehova.