1989 nga Kalendaryo
1 Sulod sa unom ka tuig nakatagamtam kita ug mga kalendaryo nga may mabulokong larawan sa atong mga igsoon nga nagsangyaw sa nagkalainlaing kayutaan. Apan alang sa 1989 may bag-o kitang matang sa kalendaryo nga inyong makaplagan nga makatabang.
2 Ang 1989 nga kalendaryo magtanyag ug serye sa matahom nga mga larawan sa mga dapit sa Yutang Saad. Ilalom sa maong dako nga larawan maoy mga komento sa atong makita sa larawan. Duna usay detalye bahin sa Biblikal nga mga saysay nga nahitabo sa maong dapit nga nagpakita kon ngano nga ang maong dapit importante sa nga mga estudyante sa Biblia.
3 Ang kalendaryo padayon nga may iskedyul sa pagbasa sa Biblia sama sa una. Apan imong makita ang bag-ong gamit sa matin-aw nga mga larawan sa Yutang Saad. Pananglitan, sa Enero/Pebrero nagpakita sa aerial view sa Megiddo, nga imong magamit sa usa ka pagtuon sa Biblia aron sa pagsaysay sa kahulogan sa Armahedon. Ang mga ginikanan makagamit usab sa maong mga larawan sa maghisgot ug mga pagtuon sa Biblia uban sa ilang mga anak.
4 Ang mga larawan ug mga komento may numero aron nga dali nga ikapaila kana kon maghisgot ug usa ka hitabo sa Biblia sa usa ka bahin sa tigom sa pag-alagad. Ang uban tingali buot nga mokuha ug dugang mga kalendaryo ug ikuwadro ang mga larawan. Hunahunaa sab kana kon magpedido kamo niini.