Pangutana

● Diin ang upat ka tigom himoon sa usa ka buntag o palis, husto ba nga adunay pahulay o intermisyon, nga sa maong panahon isilbe ang refreshments?

Kadaghanan sa mga kongregasyon nga adunay upat ka miting sa usa ka adlaw nakakaplag nga kon kini himoon nga walay hunong, kini mahuman sa mga 3¹⁄2 ka oras. Usahay sa mga distritong kombensiyon kita molingkod sa hapit niining gidugayona sa panahon nga walay pahulay (intermisyon), busa dili gayod usa ka kalisdanan alang sa mga igsoon kon walay intermisyon o pahulay nga gihikay.

Apan, kon ang pipila ka kongregasyon buot maghimog 10- ngadto sa 15-minuto nga intermisyon human sa unang duha ka miting aron ang mga igsoon makaadto sa kasilyas o makainom ug tubig, wala may supak niana. Pero dili gayod ang kongregasyon ni ang mga indibiduwal maghikay ug bisan unsang ‘refreshments’ sulod niining panahona. Ang lintunganayng rason nga kita nagatambong sa mga tigom maoy alang sa espirituwal nga pagkaon. Kon ang mga igsoon mag-andam ug ‘refreshments’ dakong panahon ang magugol sa paghikay niini, ug kini magpabalda kanila gikan sa mas importanteng espirituwal nga katuyoan sa maong mga tigom.

Ang pipila ka kongregasyon nag-organisar sa maong ‘refreshments’ ingong paagi sa pagpatunghag kuwarta alang sa galastohan sa Kingdom Hall, apan dili kini ang hustong paagi sa pagpalampos niana. Ang mga amot kinahanglang himoon uyon sa espiritu sa boluntaryong paghatag sa 2 Corinto 9:7. Kami nagatuo nga ang tanan mabenepisyohan sa espirituwal pinaagig pagsunod niining mga lagdaa, nga sa ingon nagatugot sa “tanang butang nga mabuhat sa kahapsay ug sa kahikayan.”​—1 Cor. 14:40.