Mga Pahibalo
● Tanyag sa basahon sa Enero ug Pebrero: Daandaang mga basahon sumala sa linguwahe, ingon sa mosunod: Ingles: Worldwide Security nga libro sa ₱16.00. Bicol: Librong Truth sa ₱8.00. Cebuano: Librong Kalipay sa ₱16.00. Hiligaynon: Good News to Make You Happy sa ₱2.50. Iloko: Librong Happiness sa ₱16.00. Samar-Leyte: Good News to Make You Happy sa ₱2.50. Tagalog: Librong Happiness o True Peace sa ₱16.00. Marso: Librong Pinadayag sa ₱48.00. Abril ug Mayo: Usa ka tuig nga suskrisyon sa Ang Bantayanang Torre sa ₱70.00.
● Sa Enero ug Pebrero, ang librong Good News to Make You Happy itanyag sa ₱2.50 diha sa Hiligaynon ug Samar-Leyte. Ang bayad sa payunir niining maong mga aytem maoy 70¢. Ang Truth nga libro sa Bicol itanyag usab sa ₱8.00 ug ang bayad sa payunir maoy ₱4.00. Sa dihang gamiton kining mga libroha sa espesyal nga bayad, palihog paneguroa nga mohangyog ‘credit’ o kunhod alang niadtong gikuha sa mga payunir ug mga magmamantala, nga nagapakita niini diha sa separadong mga linya sa pormang Remittance and Credit Request (S-20).
● Ang selebrasyon sa Memoryal himoon sa Sabado, Marso 30, 1991, human sa pagsalop sa adlaw. Bisan tuod ang pakigpulong mahimong mosugod nga sayosayo pa, palihog hinumdomi nga ang pagpasa sa tinapay ug bino sa Memoryal kinahanglang dili mosugod hangtod sa pagsalop sa adlaw. Walay laing tigom ang himoon sa maong petsa. Kon ang inyong kongregasyon sa kasagaran adunay mga tigom sa Sabado, inyo gayong hikayon kini nga himoon sa laing adlaw sulod sa semana sa Memoryal. Ang mga imbitasyon sa Memoryal igapadala ngadto sa mga kongregasyon sa igong panahon, busa dili na kinahanglan nga orderon kini.
● Palihog mag-order ug bisan unsang ekstrang mga magasin alang sa espesyal nga mga kampanya sa Abril ug Mayo sa pagkatapos sa Enero aron maseguro nga madawat kini sa hustong panahon. Among pabilhan ang inyong sayo nga pagtagad niini, nga nagatagad sa daghang oksilyare nga mga payunir nga mag-alagad sulod sa maong mga bulan.
● Ang espesyal nga pakigpulong publiko niining tuiga ipahayag sa tibuok kalibotan sa Domingo, Abril 7, 1991 sa ulohan, “Ang Pag-abot sa Mesiyas ug ang Iyang Pagmando.” Ang usa ka laraw igapadala ngadto sa kada kongregasyon sa di-madugay sa dihang andam na. Ang mga kongregasyon nga duawon sa magtatan-aw sa sirkito sa maong petsa o adunay sirkitong asembliya o espesyal nga adlawng asembliya nga naeskedyol kinahanglang maghimo sa ilang espesyal nga pakigpulong sa sunod nga semana. Walay kongregasyon nga maghimo sa espesyal nga pakigpulong sa dili pa ang Abril 7.