Mga Pahibalo
● Tanyag sa basahon sa Septiyembre: Librong Mga Batan-on Nangutana sa ₱24.00. Oktubre: Suskrisyon sa Pagmata! sa usa ka tuig sa ₱70.00. Nobyembre: New World Translation Bible uban sa Ang Bibliya—Pulong sa Diyos o sa Tawo? sa ₱80.00. Disyembre: Akong Basahon sa mga Estorya sa Bibliya sa ₱48.00.
● Ang mga magtatan-aw sa sirkito mopahayag sa pakigpulong publiko, “Diyosnong Kaalam Diha sa Siyentipikanhong Kalibotan” sa dihang moduaw silag mga kongregasyon sugod sa Oktubre.
● Ang mga order sa 1992 Yearbook ug kalendaryo mahimo na karong ipadala ngadto sa Sosyedad. Magpadala kamig usa ka espesyal nga Yearbook and Calendar Order Blank ngadto sa kada kongregasyon uban sa kuwentada sa kuwenta sa Hulyo. Sa dihang inyong madawat kini, sulatan kini ug ibalik ngadto sa Sosyedad aron kini moabot sa sangang opisina nga di maulahi sa Oktubre 1. Ang amot alang sa Yearbook maoy ₱16.00. Ang mga regular ug espesyal payunir nga anaa sa listahan sukad sa Hulyo 1, 1991 o una pa nianang petsaha makadawat ug usa ka walay bayad nga kopya sa Yearbook, ug ang kongregasyon mohangyog kunhod alang niini diha sa pormang Remittance and Credit Request (S-20) sa dihang magpadala silag bayad human madawat ang Yearbooks. Mahimong makakuha ang mga payunir sa dugang mga kopya sa ₱8.00 ang usa aron ipahimutang sa di-bawtismadong mga tawo. Palihog ipakita ang libreng mga kopya nga separado niadtong sa ‘pioneer rate’ sa dihang mohangyog kunhod. Ang kalendaryo usab maoy ₱16.00 ug wala kiniy ‘pioneer rate,’ ni ihatag nga libre ngadto sa mga payunir.
● Kinahanglang ipadala na usab karon ang mga order sa “Examining the Scriptures Daily”—1992. Kini patikon sa tanang pinulongan. Kami magpadalag usa ka ‘special order blank’ para niini uban sa Hulyong kuwentada sa kuwenta. Palihog sulati kini, nga gibutyag ang gidaghanon sa inyong gikinahanglan sa kada linguwahe, ug ibalik kini ngadto sa Sosyedad nga di maulahi sa Oktubre 1. Ang amot maoy ₱4.80 sa mga magmamantala. Ang usa ka walay bayad nga kopya ihatag ngadto sa matag espesyal ug regular payunir nga anaa sa listahan sukad sa Hulyo 1, 1991. Ang ekstrang mga kopya ngadto sa mga payunir maoy ₱3.20. Ang kunhod hangyoon nga sama sa paagi sa Yearbooks.
● Sanglit ang librong “All Scripture Is Inspired of God and Beneficial” mabatonan na man karon sa Iloko ug Tagalog, sugod sa Nobyembre kami dili na magpadalag mga laraw sa pakigpulong nga nagatudlo ngadto sa mga kongregasyon nga nagagamit sa maong mga pinulongan, kay ang mga igsoong lalaki nga natudlo makakuha man sa ilang impormasyon nga diretso gikan sa Iloko ug Tagalog nga mga edisyon sa maong libro. Ang mga laraw padayong ipadala sa ubang mga linguwahe sama sa miagi.