Pangutana

◼ Unsa may mahimo aron maseguro nga ang atong kalihokan sa Disyembre dili mous-os bisan pa sa atong paghimog distritong mga kombensiyon?

Una, among irekomendar nga ang tanan mohimog maayong pagsugod sayo sa bulan. Ang Disyembre 1 maoy Domingo, ug adunay lima ka Domingo sa bulan, busa bisan kon motambong kitag distritong kombensiyon sa usa ka hinaposan sa semana, aduna pay upat ka Domingo alang kanato sa pagsangyaw nga kalihokan. Daghan ang mahimo man ganing makaoksilyare payunir, nga magapaningkamot nga makakab-ot sa ilang 60-oras nga tumong una pa sa kombensiyon.

Ikaduha, sa dihang nagabiyahe ngadto sa kombensiyon, pangitag kahigayonan sa paghimog dipormal nga pagsangyaw. Ang pagtaod sa lapel card samtang nagabiyahe kasagaran mosangpot ngadto sa panaghisgot. Paneguroa nga anaa kay mga magasin, brosyur, o ‘tract’ nga ikatanyag sa mga tawong imong ikahibalag. Sa siyudad nga kombensiyonan, mahimong makaarang ka sa pagpamatuod nga dipormal sa mga tawong imong giabotan o gikatagbo sa dalan.

Sa kataposan, ayaw hikalimti ang pagreport sa imong kalihokan. Kon ang inyong kombensiyon maoy sa hinaposan sa Disyembre o sa Enero, o kon ikaw mahilayo gikan sa imong kongregasyon sa Disyembre 31, nan maayo nga ihatag na ang imong report sa kongregasyon una ka pa mobiya alang sa kombensiyon.

Atong paneguroon niining tuiga nga kitang tanan may bug-os nga pakig-ambit sa ministeryo sa Disyembre ug nga ang atong report mahilakip sa kataposan sa bulan. Ang pagbuhat niana mosangpot sa mas labawng kalipay ug dagayang panalangin ni Jehova.