Mga Pahibalo
◼ Tanyag nga basahon sa Septiyembre: Bisan unsang brosyur sa ₱6.00. Oktubre: Usa ka tuig nga suskrisyon sa Pagmata! sa ₱80.00. Nobyembre: Pagpangita sa Katawhan sa Diyos sa ₱30.00. Disyembre: New World Translation Bible uban sa Ang Bibliya—Pulong sa Diyos o sa Tawo? sa ₱100.00.
◼ Ang mga magtatan-aw sa sirkito mohatag sa pahayag publikong, “Si Jesu-Kristo—Ang Bag-ong Magmamando sa Yuta” sa dihang magaduaw sa mga kongregasyon sugod sa Oktubre.
◼ Uyon sa gihisgotan sa Bantayanang Torre sa Abril 15, 1991, panid 23, parapo 13, ang mga ansiyano magahimog mga kahikayan sayo sa bag-ong tuig sa pag-alagad sa pagtagad nga maduaw ang mga tawo nga napalagpot o nadis-asosyet sa kaping usa ka tuig. (Mga ansiyano, palihog repasoha kining maong Bantayanang Torre ug ingon man ang sulat sa Marso 20, 1991 bahin niining butanga.)
◼ Ang mga order alang sa 1993 Yearbook ug kalendaryo mahimong ikapadala na karon sa Sosyedad. Kami nagapadala ug usa ka espesyal nga Yearbook and Calendar Order Blank sa matag kongregasyon uban sa statement sa kuwenta sa Hulyo. Sa dihang inyong madawat kini, pil-api ug ibalik kini sa Sosyedad aron moabot kini sa sangang buhatan nga dili maulahi sa Oktubre 1. Ang amot sa Yearbook maoy ₱30.00. Ang mga regular ug espesyal payunir nga anaa sa listahan sukad sa Hulyo 1, 1992 o una pa niana nga petsa makadawat ug usa ka libreng kopya sa Yearbook, ug ang kongregasyon mohangyog kunhod alang niini diha sa Remittance and Credit Request nga porma (S-20) sa dihang sila magapadala ug bayad human sa pagkadawat sa mga Yearbooks. Ang mga payunir mahimong mokuha ug dugang mga kopya nga ikapahiluna sa dili dedikadong mga tawo sa ₱20.00 ang kada usa. Palihog itala nga separado ang libreng mga kopya niadtong anaa sa pioneer rate sa dihang nagahangyog kunhod. Ang kalendaryo maoy ₱20.00 ug walay pioneer rate niini, ni adunay ihatag nga libre sa mga payunir.
◼ Ang mga order kinahanglang ipadala na usab karon sa “Pagsusi sa Kasulatan sa Adlaw-adlaw”—1993. Kini pagapatikon sa tanang pinulongan. Kami nagapadala ug usa ka special order blank alang niini uban sa Hulyo nga statement. Palihog pil-api kini, nga nagatala sa gidaghanon nga inyong gikinahanglan sa matag pinulongan, ug ibalik kini sa Sosyedad nga dili maulahi sa Oktubre 1. Ang amot maoy ₱10.00 alang sa mga magmamantala. Ang usa ka libreng kopya ihatag sa matag espesyal ug regular payunir nga anaa sa listahan sukad sa Hulyo 1, 1992. Ang ekstrang mga kopya sa mga payunir maoy ₱5.00. Ang paghangyog kunhod sa prisyo kinahanglang himoon sa samang paagi nianang sa mga Yearbooks.
◼ Pasidaan: Nakadawat kami ug mga taho gikan sa nagkalainlaing bahin sa nasod nga ang pipila ka impostor (suwitik) nga nagapakaaron-ingnong mga Saksi nakakuhag salapi ug mga butang gikan sa mga igsoon pinaagig pangilad. Sila sagad nakaila sa mga ngalan sa mga ansiyano ug mga igsoon sa Bethel ug nasinati sa organisasyon. Ang tanan, ilabina ang mga ansiyano, kinahanglang magbantay batok kanila aron mapanalipdan ang panon.