Mga Pahibalo

◼ Tanyag nga basahon sa Oktubre: Usa ka tuig nga suskrisyon sa Pagmata! o Ang Bantayanang Torre sa ₱80.00. Nobyembre: Pagpangita sa Katawhan sa Diyos sa ₱30.00. Disyembre: New World Translation uban sa librong Ang Bibliya​—Pulong sa Diyos o sa Tawo? sa ₱100.00. Enero: Ang Labing Bantogang Tawo nga Nabuhi Sukad sa ₱60.00. MATIKDI: Ang mga kongregasyon nga wala pa makapedido sa gihisgotan sa itaas nga mga basahong igtatanyag magahimo niana diha sa ilang sunod binulang Literature Request Form (S-14).

◼ Ang mga magmamantala nga nagaplano sa pag-oksilyare payunir sa Nobyembre kinahanglang sayong motunol sa ilang aplikasyon. Kini magahatag panahon sa mga ansiyano sa paghimog gikinahanglang mga kahikayan sa basahon ug teritoryo.

◼ Diha sa mga panid 103-4 sa Organisado sa Pagtuman sa Atong Ministeryo, ang direksiyon gihatag kon unsay ikalakip sa pagtaho sa mga oras sa pag-alagad sa kanataran. Ang pipila nahibulong kon ang usa ka magmamantala nga nagahubad alang sa usa ka mamumulong nga nagapahayag publiko makataho ba sa oras. Oo, ang mamumulong ug ang maghuhubad makalakip diha sa ilang mga taho sa pag-alagad sa kanataran sa panahon nga nagugol niana.

◼ Sanglit daghang tawo ang nabalaka bahin sa namatay nga mga minahal sa Oktubre 31 ug Nobyembre 1, mapuslanon nga gamiton ang tract nga Unsay Paglaom Alang sa Namatay nga mga Minahal, ug usab ang brosyur nga Mga Espiritu sa mga Patay sa dihang nagasangyaw sa balaybalay o sa mga lubnganan nianang mga adlawa.