Mga Pahibalo
◼ Tanyag nga basahon sa Agosto: Bisan hain sa mga brosyur sa ₱6.00. Septiyembre: Ikaw Mabuhing Walay Kataposan sa Paraiso sa Yuta, dakong edisyon sa ₱60.00, gamayng edisyon sa ₱30.00. Oktubre: Suskrisyon sa Pagmata! sa usa ka tuig sa ₱80.00. Nobyembre: Ikaw Mabuhing Walay Kataposan sa Paraiso sa Yuta, dakong edisyon sa ₱60.00, gamayng edisyon sa ₱30.00. MATIKDI: Ang mga kongregasyong wala pa makapedido sa gihisgotan-itaas nga mga basahong igtatanyag magahimo niana diha sa ilang sunod binulang Literature Request Form (S-14).
◼ Ang matag kongregasyon makadawat ug duha ka Literature Inventory nga porma (S-18) uban sa statement sa ilang kuwenta sa Hunyo. Palihog himoa ang aktuwal nga pag-ihap sa tanang literatura nga anaa sa panudlanan ug pil-api nga kompleto ang mga porma, nga nagabalik sa orihinal ngadto sa Sosyedad nga dili maulahi sa Septiyembre 6. Hupti ang duplikado sa inyong payl.
◼ Ang sekretaryo ug ang magtatan-aw sa pag-alagad kinahanglang magpil-ap sa Congregation Analysis Report (S-10) ug ipadala kana ngadto sa Sosyedad sa dihang makompleto na ang mga taho sa Agosto. Matikdi: Paneguroang mapil-apan ang luyong bahin sa porma nga nangayog impormasyon bahin sa regular nga mga payunir ug sa ilang total nga mga oras alang sa tuig sa pag-alagad. Hupti ang duplikado sa inyong payl.
◼ Ang mga kuwenta sa kongregasyon kinahanglang maawdit sa Septiyembre 1 o dihadiha dayon ingon sa maarangan pinaagig nagadumalang magtatan-aw o usa nga iyang gitudlo.
◼ Kadtong nagaplano nga mosugod sa regular payunir nga pag-alagad sa Septiyembre 1 kinahanglang mopil-ap dayon ug aplikasyon ug ihatag kana ngadto sa mga ansiyano alang sa pagrepaso. Human nga maaprobahan ang aplikasyon ug napirmahan sa Komite sa Pag-alagad sa Kongregasyon, kinahanglang ipadala kana ngadto sa Sosyedad sayo sa Agosto aron nga ang aprobasyon madawat sa Septiyembre 1.
◼ Kon ang inyong kongregasyon nagakinahanglan ug ekstra nga mga magasin sa Oktubre tungod sa kampanya sa Pagmata!, may panahon pa sa pagpadala sa inyong espesyal nga pedido kon wala pa ninyo kana mabuhat. Paneguroang matagad ang gidaghanon sa oksilyare nga mga payunir nga mahimong mag-alagad nianang bulana.
◼ Sugod sa Abril 8, 1993, ang pinulongang Gujarati gidugang sa listahan sa binulang mga edisyon sa magasing Pagmata! nga mabatonan pinaagig koreyo.