Mga Pahibalo

◼ Tanyag nga basahon sa Septiyembre: Ikaw Mabuhing Walay Kataposan sa Paraiso sa Yuta, dakong edisyon sa ₱60.00, gamayng edisyon sa ₱30.00. Oktubre: Suskrisyon sa Pagmata! sa usa ka tuig sa ₱80.00. Nobyembre: Ikaw Mabuhing Walay Kataposan sa Paraiso sa Yuta, dakong edisyon sa ₱60.00, gamayng edisyon sa ₱30.00. Disyembre: New World Translation Bible uban sa Ang Bibliya​—Pulong sa Diyos o sa Tawo? sa ₱100.00. MATIKDI: Ang mga kongregasyong wala pa makapedido sa gihisgotan-itaas nga mga basahong igtatanyag magahimo niana diha sa ilang sunod binulang Literature Request Form (S-14).

◼ Ang mga magtatan-aw sa sirkito mohatag sa pahayag publiko nga, “Pagsud-ong sa mga Batan-on Gikan sa Panglantaw ni Jehova” sa dihang magaduaw sa mga kongregasyon sugod sa Oktubre.

◼ Uyon sa gihisgotan sa Abril 15, 1991 nga Bantayanang Torre, panid 23, parapo 13, ang mga ansiyano magahimog mga kahikayan sayo sa bag-ong tuig sa pag-alagad sa pagtagad sa pagduaw sa mga tawong napalagpot o nadis-asosyet nga kapin na sa usa ka tuig. (Mga ansiyano, palihog repasoha kining maong Bantayanang Torre ug usab ang sulat sa Marso 20, 1991 niining bahina.)

◼ Ang mga order sa 1994 Yearbook ug kalendaryo mahimong ipadala na karon ngari sa Sosyedad. Kami magpadala ug espesyal nga Yearbook and Calendar Order Blank sa matag kongregasyon uban sa statement sa kuwenta sa Hulyo. Sa dihang madawat ninyo kini, pil-api ug ibalik kini ngari sa Sosyedad aron kini moabot sa sangang buhatan nga dili maulahi sa Oktubre 1. Ang amot alang sa Yearbook maoy ₱30.00. Ang regular ug espesyal nga mga payunir nga anaa sa listahan sukad sa Hulyo 1, 1993 o una pa nianang petsaha makadawat ug usa ka libreng kopya sa Yearbook, ug ang kongregasyon mohangyog pagkunhod alang niini diha sa Remittance and Credit Request nga porma (S-20) sa dihang ipadala nila ang bayad human sa pagkadawat sa mga Yearbook. Ang mga payunir makakuhag dugang mga kopya nga ikatanyag uban sa dili-dedikadong mga tawo sa ₱20.00 ang usa. Palihog ipakita nga separado ang libreng mga kopya ngadto nianang nakuha sa payunir nga prisyo sa dihang magahangyog pagkunhod. Ang kalendaryo maoy ₱20.00 ug walay kunhod sa payunir niini, ni adunay ihatag nga libre sa mga payunir.

◼ Ang mga order kinahanglang ipadala na usab karon alang sa “Pagsusi sa Kasulatan sa Adlaw-adlaw”​—1994. Kini patikon sa tanang pinulongan. Kami magapadala ug espesyal nga order blank para niini uban sa statement sa Hulyo. Palihog pil-api kini, nga magapakita sa gidaghanon nga inyong gikinahanglan sa matag pinulongan, ug ibalik kini ngari sa Sosyedad nga dili maulahi sa Oktubre 1. Ang amot maoy ₱10.00 para sa mga magmamantala. Ang usa ka libreng kopya ikahatag ngadto sa matag espesyal ug regular nga mga payunir nga anaa sa listahan sukad sa Hulyo 1, 1993. Ang ekstra nga mga kopya sa mga payunir maoy ₱5.00. Ang pagkunhod kinahanglang hangyoon sama sa paagi nianang sa mga Yearbook.