Mga Pahibalo
◼ Tanyag nga basahon sa Disyembre: New World Translation Bible uban sa Ang Bibliya—Pulong sa Diyos o sa Tawo? sa ₱100.00. Enero: CEBUANO, ILOKO, PANGASINAN, UG TAGALOG: Ang Labing Bantogang Tawo nga Nabuhi Sukad sa ₱60.00. BICOL: The Truth That Leads to Eternal Life sa ₱4.00. CHINESE: Your Youth—Getting the Best Out of It; Good News to Make You Happy; o Survival Into a New Earth sa ₱4.00. HILIGAYNON UG SAMAR-LEYTE: Good News to Make You Happy sa ₱4.00. Pebrero: Ikaw Mabuhing Walay Kataposan sa Paraiso sa Yuta, dakong edisyon sa ₱60.00, gamayng edisyon sa ₱30.00. Marso: Pinadayag—Hingpit nga Sangkoanan Niini Haduol Na! sa ₱60.00. MATIKDI: Ang mga kongregasyong wala pa makapedido sa gihisgotan-itaas nga mga basahong igtatanyag magahimo niana diha sa ilang sunod binulang Literature Request Form (S-14).
◼ Sa Enero, ingon sa gipakita sa itaas, adunay usa ka espesyal nga panikaysikay sa pagdispatsar sa inyong daandaang mga libro diha sa kunhod nga prisyo sa tinong mga pinulongan. Palihog matikdi nga kadto lamang mga basahon nga nalista sa itaas ang angayng itanyag diha sa kunhod nga bili sa ₱4.00. Ang mga payunir makakuhag mga kopya sa ₱1.00 kada usa. Ang mga kongregasyon makahangyog kunhod alang sa mga payunir ug mga magmamantala sa dihang nagapadala sa ilang Remittance and Credit Request nga porma (S-20) sa kataposan sa Enero.
◼ Sa Bicol, aduna kitay mabatonang daghang suplay sa “Look!” nga brosyur. Buot namong isugyot nga ang tanang magmamantala niining rehiyona magdalag mga kopya niini diha sa Bicol sa dihang nagapakig-ambit sa pagsangyaw sa Enero. Sanglit kay ang amot niini maoy ₱6.00, kon kini itanyag kauban sa librong Truth sa Bicol sa ₱10.00, kini mahimong madanihong tanyag.
◼ Ang mga kongregasyon nga nakakaplag nga kombeniyente ra ang paghimo sa ilang pagtuon sa libro sa kongregasyon sa semana sa kombensiyon makahimo gihapon niana. Hinuon, kon dili kombeniyente, mahimong ilang tun-an ang katunga sa tun-anan sa semana una pa ug ang laing katunga sa mosunod nga semana, sa ingon naganunot sa gihatag nga eskedyol.
◼ Kadtong walay kombensiyon sa Disyembre 30 makahikay ug espesyal nga kalihokan sa pagmagasin, sanglit kay sagad kini usa ka publikong piyesta opisyal.
◼ Ang tinuig nga teksto sa 1994 gikuha gikan sa Proverbio 3:5: “Salig kang Jehova uban sa bug-os mong kasingkasing.” Ang tanang kongregasyon kinahanglang maghikay nga ikabutang na kining bag-ong teksto sa ilang mga Kingdom Hall sa Enero 1, 1994.
◼ Mahinungdanon alang sa tanang magmamantala nga maghimog tinong mga kahikayan sa pagpakig-ambit sa pagsangyaw sayo sa Disyembre. Kon, tungod sa pagtambong sa usa ka kombensiyon o nagabakasyon nga ikaw halayo sa imong kongregasyon sa kataposan sa Disyembre, paneguroang ihatag sa sekretaryo ang imong report una pa ikaw mobiya. Pinaagig pagkamatanlagon sa tanan sa pagtunol sa ilang report sa hustong panahon, ang tanang magmamantala maihap gayod sa report sa Disyembre.
◼ Ang bag-ong mga basahon nga giluwatan sa internasyonal nga kombensiyon sa Manila sa Nobyembre 4-7, 1993 dili mabatonan diha sa sangang buhatan ug dili angayng orderon sa mga kongregasyon hangtod sa pagkahuman sa mga kombensiyon sa probinsiya, nga maoy sa Enero 3, 1994.
◼ Mabatonan ang laing computer diskette nga giluwatan ug mahimo na nga orderon: New World Translation of the Holy Scriptures—With References/Insight on the Scriptures. Kini nagaunod sa New World Translation ug sa duha ka tomo sa Insight. Kini mabatonan lamang diha sa Ingles sa 5 1/4ʺ 1.2-megabyte o 3 1/2ʺ 1.44-megabyte diskettes. Ang usa ka computer nga may hard disk nga may dili momenos sa 18 megabytes of free space ang gikinahanglan. Magmamantala: ₱450.00; payunir: ₱375.00.