Mga Pahibalo

◼ Tanyag nga basahon sa Marso: Pinadayag​—Hingpit nga Sangkoanan Niini Haduol Na! sa ₱60.00. Abril ug Mayo: Usa ka tuig nga suskrisyon sa Ang Bantayanang Torre sa ₱80.00. Hunyo: Life​—How Did It Get Here? By Evolution or by Creation?, dakong edisyon sa ₱60.00, gamayng edisyon sa ₱30.00. (Alang niadtong wala magsultig Ingles, mahimong itanyag ang Ang Bibliya​—Pulong sa Diyos o sa Tawo? ingong kapuli sa ₱20.00.) MATIKDI: Ang mga kongregasyong wala pa makapedido sa gihisgotan-itaas nga mga basahong igtatanyag magahimo niana diha sa ilang sunod binulang Literature Request Form (S-14).

◼ Sugod sa Abril, ang mga magtatan-aw sa sirkito magahatag sa pahayag publiko nga nag-ulohag “Ang Kristohanong Pagkabulag sa Kalibotan​—Nganong Mapuslanon” sa dihang magaduaw sa mga kongregasyon.

◼ Ang nagadumalang magtatan-aw o usa nga iyang gitudlo kinahanglang magaawdit sa kuwenta sa kongregasyon sa Marso 1 o dihadiha human niana. Ipahibalo sa kongregasyon kon kini nahimo na.

◼ Ang ulohan sa espesyal nga pahayag publiko sa Abril 10 nga gipahibalo sa Enero nga Atong Ministeryo sa Gingharian giusab ngadto sa “Ang Matuod nga Relihiyon Nagatagbaw sa mga Panginahanglan sa Tawhanong Katilingban.”

◼ Ang usa ka maayong artikulo maylabot sa mga bentaha sa New World Translation pagapatikon diha sa Cebuano, Iloko, ug Tagalog nga mga gula sa Marso 8, 1994 nga Pagmata! Kini nag-ulohag “Usa ka Bibliya Diha sa Pinulongan sa Inadlawng Kinabuhi.” Ang tanang nagasultig Cebuano, Iloko, ug Tagalog buot gayod nga bug-os mogamit sa bag-ong hubad sa mga tigom ug sa pag-alagad sa kanataran.

◼ Giimprinta Pag-usab nga mga Tomo sa Watchtower: Nadawat namo ang usa ka suplay sa gipatik pag-usab nga Ingles nga mga tomo nga Watchtower sa mosunod nga mga tuig: 1984, 1985, 1986, 1987, 1988, 1989, ug 1990. Kadtong bag-o pa sa kamatuoran o mga kongregasyon nga buot magkompleto sa ilang mga librarya sa walay duhaduha gusto gayod nga moorder niini. Ang amot maoy ₱120.00 sa matag tomo.

◼ Bag-ong Basahon nga Mabatonan:

Watch Tower Publications Index 1991-1992 (Magmamantala ug publiko: ₱20.00; payunir: ₱15.00)​—Ingles

◼ Eskedyol sa pagbasa sa Bibliya sulod sa semana sa Memoryal:

Lunes, Marso 21 (Nisan 9) Juan 12:12-19; Mar. 11:1-11

Martes, Marso 22 (Nisan 10) Juan 12:20-50

Miyerkoles, Marso 23 (Nisan 11) Luc. 21:1-36

Huwebes, Marso 24 (Nisan 12) Mar. 14:1, 2, 10, 11; Luc. 22:1-6

Biyernes, Marso 25 (Nisan 13) Mat. 26:17-19; Mar. 14:12-16; Luc. 22:7-13

Sabado, Marso 26 (Nisan 14) Juan 19:1-42