Mga Pahibalo

◼ Tanyag nga basahon sa Mayo: Usa ka tuig nga suskrisyon sa Ang Bantayanang Torre sa ₱80.00. Hunyo: Life​—How Did It Get Here? By Evolution or by Creation?, dakong edisyon sa ₱60.00, gamayng edisyon sa ₱30.00. (Alang niadtong wala magsultig Ingles, mahimong itanyag ang Ang Bibliya​—Pulong sa Diyos o sa Tawo? ingong kapuli sa ₱20.00.) Hulyo ug Agosto: Bisan unsang brosyur sa ₱6.00. MATIKDI: Ang mga kongregasyong wala pa makapedido sa gihisgotan-itaas nga mga basahong igtatanyag magahimo niana diha sa ilang sunod binulang Literature Request Form (S-14).

◼ Ipadala namo uban sa inyong statement of accounts sa Abril ang “Special Order Blank for Forms.” Palihog susiha ang inyong suplay sa mga porma ug unya ipadala ang inyong order sa labing madali. Ang tanang order sa mga porma kinahanglang madawat na sa sangang buhatan sa Agosto 31, 1994. Ang kantidad sa porma ikarga unya sa inyong kuwenta sa literatura. Seguroang makapadalag remittance gikan sa panalapi sa inyong kongregasyon nga motapal sa bili niining mga pormaha sa dihang makita na kining nakarga sa inyong binulang statement. Importante: Seguroang malakip ang inyong order sa lapel cards alang sa distritong kombensiyon diha sa form order aron nga ikapadala kini kaninyo sa dihang kini maimprinta na.

◼ Pahinumdom: Diha sa among sulat sa tanang kongregasyon sa Agosto 1, 1992, ang pasidaan gihatag maylabot niadtong moadto sa Tungang Silangan ingong mga contract workers sa kanunayng pagsusi nga maampingon sa ilang mga kontrato una mopirma. Dayag nga kini problema gihapon, tungod kay bag-o lang namo nadawat ang pahibalo nga ang pipila sa mga igsoon gihatagag buluhatong militar sa dihang sila miabot sa nasod, nga nagabungkag sa ilang neyutralidad ug nagalangkit kanila sa daghang kalisdanan. Ang mga ansiyano kinahanglang morepaso sa among sulat sa Agosto 1, 1992 ug pasidan-an ang bisan kinsa sa ilang kongregasyon niining kapeligrohana ug awhagon sila sa pagsusing maampingon sa ilang mga kontrato una kana pirmahan.