Mga Pahibalo

◼ Tanyag nga basahon sa Agosto: Bisan unsang brosyur sa ₱6.00. Septiyembre: Ikaw Mabuhing Walay Kataposan sa Paraiso sa Yuta, dakong edisyon sa ₱60.00, gamayng edisyon sa ₱30.00. Oktubre: Suskrisyon sa Pagmata! sa usa ka tuig sa ₱80.00. Nobyembre: New World Translation sa Ingles o Ang Balaang Kasulatan uban sa Ang Bibliya​—Pulong sa Diyos o sa Tawo? sa ₱100.00. MATIKDI: Ang mga kongregasyong wala pa makapedido sa gihisgotan-itaas nga mga basahong igtatanyag magahimo niana diha sa ilang sunod binulang Literature Request Form (S-14).

◼ Ang matag kongregasyon makadawat ug duha ka Literature Inventory nga porma (S-18) uban sa ilang statement sa kuwenta sa Hunyo. Palihog himoa ang aktuwal nga pagkuwenta sa tanang literatura nga anaa sa panudlanan ug kompletoha pagpil-ap ang mga porma, nga nagabalik sa orihinal ngadto sa Sosyedad nga dili maulahi sa Septiyembre 6. Hupti ang duplikado diha sa inyong payl.

◼ Ang sekretaryo sa kongregasyon magahipos sa mga taho sa pag-alagad aron ikarga kana diha sa pormang Congregation Analysis Report (S-10). Siya usab maampingong magatudlo sa bisan kinsang ansiyano o ministeryal nga alagad nga motabang kaniya sa pagtigom sa mga taho. Kini magpaseguro ug tukmang paglista sa impormasyon nga gikinahanglan gikan sa Congregation’s Publisher Record nga mga kard (S-21). Ang pormang Congregation Analysis Report (S-10) kinahanglang tukma ug hinlong napil-apan ug maampingong nasusi sa komite sa pag-alagad.

◼ Ang mga order alang sa 1995 nga Yearbook ug kalendaryo mahimong ipadala na karon ngadto sa Sosyedad. Among gipadala ang usa ka espesyal nga Yearbook and Calendar Order Blank sa matag kongregasyon uban sa statement sa kuwenta sa Hunyo. Sa dihang madawat ninyo kini, pil-api kini ug ibalik ngadto sa Sosyedad nga dili maulahi sa Agosto 15. Ang amot sa Yearbook maoy ₱30.00. Ang regular ug espesyal nga mga payunir nga anaa sa listahan sukad sa Hulyo 1, 1994 o una pa nianang petsaha mahimong makadawat ug usa ka libreng kopya sa Yearbook, ug ang kongregasyon magahangyog kunhod alang niini diha sa pormang Remittance and Credit Request (S-20) sa dihang sila magapadalag bayad human sa pagkadawat sa mga Yearbook. Ang mga payunir makakuhag dugang mga kopya aron ikapahimutang sa dili-dedikadong mga tawo sa ₱20.00 ang matag usa. Palihog ipakitang separado ang libreng mga kopya niadtong nakuha sa prisyo sa payunir sa dihang nagahangyog pagkunhod. Ang kalendaryo maoy ₱20.00 ug walay prisyo sa payunir niini, ni adunay ihatag nga libre sa mga payunir.

◼ Ang mga order alang sa Pagsusi sa Kasulatan sa Adlaw-adlaw​—1995 kinahanglang ipadala na usab karon. Kini pagapatikon sa tanang pinulongan. Kami nagapadalag usa ka espesyal nga order blank alang niini uban sa statement sa Hunyo. Palihog pil-api kini, nga magbutang sa gidaghanon nga inyong gikinahanglan sa matag pinulongan, ug ibalik kini ngadto sa Sosyedad nga dili maulahi sa Agosto 15. Ang amot maoy ₱10.00 sa mga magmamantala. Ang usa ka libreng kopya mahimong ihatag sa matag espesyal ug regular payunir nga anaa sa listahan sukad sa Hulyo 1, 1994. Ang ekstrang mga kopya sa payunir maoy ₱5.00 ang matag usa. Ang paghangyog kunhod kinahanglang himoon sama sa mga Yearbook.

◼ May panahon pa alang niadtong nagaplanong mosugod sa regular payunir nga buluhaton sa Septiyembre 1, 1994 nga motunol sa ilang mga aplikasyon. Sa dihang kini maaprobahan sa komite sa pag-alagad kinahanglang ipadala kini ngadto sa Sosyedad sa walay langan aron madawat na ang aprobasyon una pa ang Septiyembre 1.

◼ Kon ang inyong kongregasyon nanginahanglag dugang mga magasin sa Oktubre tungod sa kampanya sa suskrisyon, palihog ipadala dayon ang inyong espesyal nga order. Seguroang matagad ang gidaghanon sa mahimong mag-oksilyare payunir nianang bulana.

◼ Sugod sa Agosto 1, 1994, ang bili sa tanang Bibliya nga gipatik sa lokal nga pinulongan sa Philippine Bible Society mosaka na ngadto sa ₱150.00 ang matag usa. Walay prisyo sa payunir niining mga Bibliyaha. Anaa pa sa panudlanan sa Sosyedad ang mga PBS Bibles sa mosunod nga mga pinulongan: Bicol, Cebuano, Hiligaynon, Iloko, Pampango, Pangasinan, Samar-Leyte, ug Tagalog.