Repaso sa Tunghaan sa Teokratikanhong Ministeryo
Serado-basahong pagsubli sa materyal nga nakobrehan diha sa mga asaynment sa Tunghaan sa Teokratikanhong Ministeryo para sa mga semana sa Septiyembre 5 hangtod sa Disyembre 19, 1994. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.
[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantayanang Torre.]
Tubaga ang matag usa sa mosunod nga mga pahayag nga Matuod o Bakak:
1. Si Satanas sa kamalimbongon nagadaldal sa mga tawo aron tagbawon ang kinaiyanhong mga kailibgon diha sa sayop nga paagi. [uw-CV p. 65 par. 9]
2. Ang Sheol, Hades, ug Gehenna ang tanan nagpunting sa komong lubnganan sa katawhan. [uw-CV p. 72 par. 6]
3. Sanglit ang katumanan sa Salmo 110:1, 2 maoy hangtod ngadto sa kataposang mga adlaw niining kalibotana, kini nga mga bersikulo motabang kanato sa pagsabot nga ang tagna ni Jesus bahin sa kataposan sa sistema sa mga butang dili limitado sa kalaglagan sa Jerusalem niadtong 70 K.P. [Senemanang pagbasa sa Bibliya; tan-awa ang w94-CV 2/15 p. 12 par. 17.]
4. Ang Sanhedrin mao ang 71-ka-membro nga Romanhong Hataas nga Hukmanan nga nagtigom sa Jerusalem. [gt-CV kap. 119]
5. Ang “mga magmamando sa kalibotan” nga gipunting sa Efeso 6:12 mao ang politikanhong mga pangulo nga nahimulag sa pabor sa Diyos. [uw-CV p. 63 par. 4]
6. Ang milyonmilyon nga pagabanhawon gikan sa mga patay pagahukman sumala sa mga buhat nga ilang gihimo una pa sa ilang pagkabanhaw. [uw-CV p. 75 par. 12]
7. Dugang pa sa pag-alagad ingong Tigpataliwala sa bag-ong pakigtugon, si Jesus sa personal mihimog usa ka pakigtugon uban sa iyang maunongong mga apostol alang sa usa ka Gingharian. [gt-CV kap. 115]
8. Ang bawtismo mismo maoy usa ka garantiya sa kaluwasan. [uw-CV p. 100 par. 12]
9. Sa dihang si Jesus nag-ampo: “Amahan, kon buot mo, kuhaa kining kopa gikan kanako,” siya naghangyo nga mahigawas gikan sa kamatayon. (Lucas 22:42) [gt-CV kap. 117]
10. Sumala sa Salmo 58:4, ang kobra dili makadungog. [Senemanang pagbasa sa Bibliya; tan-awa ang it-1-E p. 485.]
Tubaga ang mosunod nga mga pangutana:
11. Kay nahibalo nga si Jehova nagapakaon sa mga langgam ug sa katahom nagabisti sa mga bulak angayng mopahupay sa iyang tawhanong mga alagad sa unsang mga kabalaka? [uw-CV p. 87 par. 3]
12. Ingon sa gibatbat sa Salmo 58:3-5, sa unsang paagi ang daotan sama sa usa ka bitin? [Senemanang pagbasa sa Bibliya; tan-awa ang w86-CV 10/15 p. 30.]
13. Uyon sa Efeso 5:3-5, sa unsang pasukaranan nga isalikway sa nakasabot nga Kristohanon ang usa ka tinong musika nga tingali adunay mananoy nga tono, mataralong ritmo, o matulorong kompas? [uw-CV p. 67 par. 12]
14. Unsay ipasabot sa Bibliya sa Pinadayag 20:14, diin kini nag-ingon nga ang Hades “gitambog ngadto sa lanaw nga kalayo”? [uw-CV p. 75 par. 12]
15. Sa unsang pasukaranan nga ang mga karnero ug mga kanding pagahukman diha sa sambingay ni Jesus sa Mateo 25:31-46? [gt-CV kap. 111 par. 43]
16. Kon ang Nisan 11, 33 K.P., natapos sa pagsalop sa adlaw sa Martes, kanus-a magsugod ug matapos ang Nizan 14? [gt-CV kap. 112]
17. Unsay ipasabot nga magpabawtismo diha sa ngalan sa Amahan ug sa Anak ug sa balaang espiritu? [uw-CV p. 98 par. 9]
18. Sa unsang mga paagi ang mga tinun-an ni Jesus magahimog mga buhat nga labi pang dako kay sa iyang gibuhat, sama sa iyang giingon sa Juan 14:12? [gt-CV kap. 116 par. 6]
19. Unsa ang “tagong dapit sa Labing Hataas” nga gipunting sa Salmo 91:1, ug unsay gikinahanglan kanato aron makapuyo didto? [Senemanang pagbasa sa Bibliya; tan-awa ang w93-CV 12/15 p. 12; w86-CV 12/15 p. 29.]
20. Nganong si Jesus nakaingon sa Juan 16:33 nga iyang gidaog ang kalibotan? [gt-CV kap. 116 par. 37]
Itagana ang pulong o prase nga gikinahanglan sa pagkompleto sa matag usa sa mosunod nga mga pahayag:
21. Ingon sa gipakita sa kahimtang ni Job, si Satanas nangatarongan nga kita interesado lamang gayod sa ․․․․․․․ nga mga kabtangan, sa atong kaugalingong kalipayan ug kaayohan, ug nga ang atong motibo sa pag-alagad sa Diyos maoy ․․․․․․․. [uw-CV p. 93 par. 13]
22. Sa dihang si Jesus gihusay nga dili subay sa balaod, si ․․․․․․․ mao ang gobernador sa Judea, ug si ․․․․․․․ mao ang magmamando sa Galilea. [gt-CV mga kap. 121, 122]
23. Uyon sa gibatbat ni ․․․․․․․ sa Lucas 3:16, sa Pentekostes 33 K.P., ang mga tinun-an ni Jesus unang nakasinatig bawtismo pinaagig ․․․․․․․; sa 70 K.P., ang dili mahinulsolong mga Hudiyo gibawtismohan pinaagig ․․․․․․․. [uw-CV p. 96 par. 4]
24. Ang bawtismo ni Jesus sa ․․․․․․․ nagsugod sa 29 K.P. apan wala makompleto hangtod nga siya sa aktuwal ․․․․․․․ ug ․․․․․․․. [uw-CV p. 97 par. 6]
25. Ang mga partido sa bag-ong pakigtugon mao si ․․․․․․․ ug ang ․․․․․․․. [gt-CV kap. 114]
Pilia ang hustong tubag sa matag usa sa mosunod nga mga pahayag:
26. Dayag, nga ang “mga diyos” nga gipunting sa Salmo 82 mao (si Satanas ug ang mga demonyo; ang paganong mga diyos sa mga nasod; ang mga lalaki nga nahimong mga maghuhukom sa Israel). [Senemanang pagbasa sa Bibliya; tan-awa ang w86-CV 12/15 p. 28.]
27. Ang pangunang katuyoan sa pag-anhi ni Jesus sa kalibotan mao ang (pagluwas sa katawhan; paghimog mga tinun-an; pagpamatuod sa kamatuoran). [gt-CV kap. 122]
28. Kon kita makasinatig lawasnong mga kasakit o kawalad-on sa materyal, buot sa Yawa nga makita kitang (magpasidungog kang Jehova ug magpamatuod nga bakakon ang Yawa; basolon ang Diyos ug mahimong dili-magmaunongon; molahutay ingon sa gibuhat ni Job). [uw-CV p. 60 par. 13]
29. Sa tulog-bahin nga akusasyon nga gihimo sa Hudiyonhong relihiyosong mga pangulo batok kang Jesus, ingon sa gitala sa Lucas 23:2, ang sumbong nga gikabalak-an ni Pilato labot kang Jesus mao ang (pagpukan sa Hudiyohanong nasod; dili pagbayad ug mga buhis ngadto kang Cesar; pag-ingon nga siya mismo ang Kristo nga usa ka hari). [gt-CV kap. 121]
30. Sa Salmo 63:3, si David sa aktuwal nag-ingon nga ang pagbatog maayong relasyon uban kang Jehova maoy (sunod nga labing maayong butang sa kinabuhi; ingon ka maayo sa kinabuhi; labi pang bililhon kay sa kinabuhi mismo). [Senemanang pagbasa sa Bibliya; tan-awa ang w85-E 4/1 p. 4.]
Ipatukma ang mosunod nga mga teksto nganha sa mga pahayag nga gitala sa ubos:
Sal. 86:1, 2; Mat. 26:52; Juan 13:1-17; Juan 15:8; Heb. 13:5, 6
31. Bisan pa sa dagkong mga ganti ug kaylap nga kawalay-trabaho, basta manlimbasog lang kita sa atong kaugalingon nga subay sa atong pagtuo, panegurohon ni Jehova nga atong mabatonan ang atong gikinahanglan. [uw-CV p. 89 par. 6]
32. Ang matuod nga mga Kristohanon dili bahin sa kalibotan; busa, sila dili mogamit ug mga hinagiban sa pagpatay. [gt-CV kap. 118; tan-awa ang w94-CV 6/1 p. 12.]
33. Bisag kita mag-antos sa mga kabalaka ug depresyon tungod sa mga problema nga nagaapektar kanato, kita masaligon nga iliso ni Jehova ang iyang pagtagad niining yutaa ug mamati sa atong mapainubsanong mga pag-ampo. [Senemanang pagbasa sa Bibliya; tan-awa ang w92-CV 12/15 p. 9 mga par. 3, 4.]
34. Kita sa pagkatinuod makahimaya sa Diyos pinaagi sa pagpakita sa samag-Kristo nga mga hiyas, ilabina ang gugma, ug pinaagi sa pagpakigbahin nga bug-os kutob sa mahimo sa kalihokan sa paghimog mga tinun-an. [gt-CV kap. 116 par. 19]
35. Ingong mga Kristohanon kita angayng andam sa pag-alagad sa uban nga walay-pagpihig, bisan unsa pa ka ubos o ka dili-maayo tingali ang buluhaton. [gt-CV kap. 113]