Mga Pahibalo
◼ Tanyag nga basahon sa Agosto: Bisan hain sa mga brosyur sa ₱6.00. Septiyembre: Ang librong Mabuhing Walay Kataposan ang gamiton, ug ang mga panikaysikay kinahanglang himoon sa pagsugod ug mga pagtuon sa Bibliya sa balay. Ang dakong edisyon sa ₱60.00 ug ang gamayng edisyon sa ₱30.00. Oktubre: Usa ka tuig nga suskrisyon sa Pagmata! sa ₱80.00. Nobyembre: New World Translation sa Ingles o Ang Balaang Kasulatan uban sa Ang Bibliya—Pulong sa Diyos o sa Tawo? sa ₱100.00. MATIKDI: Ang mga kongregasyong wala pa makapedido sa gihisgotan-itaas nga mga basahong igtatanyag magahimo niana diha sa ilang sunod binulang Literature Order Form (S-AB-14).
◼ Ang matag kongregasyon makadawat ug duha ka Literature Inventory nga mga porma (S-18) uban sa ilang statement sa kuwenta sa Hunyo. Palihog himoa ang aktuwal nga pagkuwenta sa tanang literatura sa panudlanan ug kompletoha pagpil-ap ang mga porma, nga nagabalik sa orihinal sa Sosyedad nga dili maulahi sa Septiyembre 6. Hupti ang duplikado diha sa inyong payl.
◼ Ang sekretaryo sa kongregasyon magasumada sa mga taho sa pag-alagad nga isulat diha sa Congregation Analysis Report nga porma (S-10). Maampingon usab niyang tudloan ang bisan kinsang ansiyano o ministeryal nga alagad nga mahimong motabang kaniya sa pagsumada sa report. Kini magpaseguro sa tukmang pagtala sa impormasyon nga gikinahanglan gikan sa Congregation Publisher Record nga mga kard (S-21). Ang Congregation Analysis Report nga mga porma (S-10) angayng mapil-apan nga tukma ug hinlo ug maampingong nasusi pinaagig komite sa pag-alagad.
◼ Ang mga order alang sa 1996 Yearbook ug kalendaryo mahimong ipadala na karon sa Sosyedad. Kami magapadala ug usa ka espesyal nga Yearbook and Calendar Order Blank sa matag kongregasyon uban sa statement sa kuwenta sa Hunyo. Sa dihang madawat ninyo kini, pil-api kini ug ibalik kini ngadto sa Sosyedad nga dili maulahi sa Agosto 15. Ang amot alang sa Yearbook maoy ₱30.00. Ang regular ug espesyal nga mga payunir nga anaa sa listahan sukad sa Hulyo 1, 1995 o una pa nianang petsaha makadawat ug libreng kopya sa Yearbook, ug ang kongregasyon magahangyog pagkunhod niini diha sa Remittance and Credit Request nga porma (S-20) sa dihang ilang ipadala ang bayad human sa pagkadawat sa mga Yearbook. Ang mga payunir makakuhag dugang mga kopya aron ikapahimutang sa di-dedikadong mga tawo sa ₱20.00 ang kada usa. Palihog ipakita ang libreng mga kopya nga separado niadtong anaa sa prisyo sa payunir kon magahangyog pagkunhod. Ang kalendaryo maoy ₱20.00 ug walay kunhod sa payunir niini, ni adunay ihatag nga libre sa mga payunir.
◼ Ang mga order angayng ipadala na usab karon alang sa Pagsusi sa Kasulatan sa Adlaw-Adlaw—1996. Kini pagapatikon sa tanang pinulongan. Kami magapadala ug usa ka special order blank alang niini uban sa statement sa Hunyo. Palihog pil-api kini, nga nagapakita sa gidaghanon nga inyong gikinahanglan sa matag pinulongan, ug ibalik kini sa Sosyedad nga dili maulahi sa Agosto 15. Ang amot maoy ₱10.00 sa mga magmamantala. Ang usa ka libreng kopya mahimong ihatag sa matag espesyal ug regular payunir nga anaa sa listahan sukad sa Hulyo 1, 1995. Ang ekstrang mga kopya sa mga payunir maoy ₱5.00. Ang pagkunhod kinahanglang hangyoon sa samang paagi sa mga Yearbook.
◼ Aduna pa ing panahon alang niadtong nagaplanong mosugod sa regular payunir nga buluhaton sa Septiyembre 1, 1995 sa pagtunol sa ilang mga aplikasyon. Sa dihang kini aprobahan sa komite sa pag-alagad kinahanglang ipadala kini nga walay langan ngadto sa Sosyedad aron nga ang aprobasyon madawat na una pa ang Septiyembre 1.
◼ Kon ang inyong kongregasyon nanginahanglag ekstrang mga magasin sa Oktubre tungod sa kampanya sa suskrisyon, palihog ipadala gilayon ang inyong espesyal nga order. Seguroang matagad ang gidaghanon sa oksilyare nga mga payunir nga mahimong magaalagad nianang bulana.