Kompleto ba ang Imong Teokratikanhong Librarya?
1 Sugod niadtong 1944, ang Sosyedad nagdasig sa mga kongregasyon sa paghimog usa ka librarya sa Teokratikanhong Ministeryong Tunghaan diha sa Kingdom Hall. Ang librong Atong Ministeryo sa panid 74 nagaingon nga kining libraryaha “mahimong aduna kiniy mga publikasyon sa Sosyedad, tingali ang ubay-ubayng mga hubad sa Bibliya, usa ka konkordansiya ug ubang mapuslanong mga reperensiya.” Ang magtatan-aw sa tunghaan maoy responsable sa librarya.
2 Unsa ka kompleto ang librarya sa inyong Kingdom Hall? Hinungdanon kaayo nga ang inyong librarya adunay Watch Tower Publications Indexes aron nga ang mga igsoon makahimog panukiduki. Aron mahimo kining mapuslanon, gikinahanglan usab nga adunay mga tomo sa Watchtower nga gipunting diha sa Indexes. Malipay kaming mosulti nga aduna kita ing limitadong stock karon sa sanga sa Pilipinas sa tanang tomo sa Watchtower sa Ingles gikan sa 1950 hangtod sa 1995. Kini mahimong mapedido gikan sa Sosyedad pinaagig mga kongregasyon o pinaagig mga indibiduwal kinsa nanginahanglang kompletohon ang ilang personal nga mga librarya.
3 Hinuon, hupti sa hunahuna nga kining mga tomoha maoy “Special-Request Items,” nga nagakahulogang kinahanglang bayaran kini gilayon inigkadawat ug dili pondohon nga gasto sa Sosyedad. Nagapasabot kining ang amot nga ₱120.00 kinahanglang ipadala sa matag tomo nga gipedido. Basin ang mga igsoon mahinangop nga moamot aron makompleto ang librarya sa Kingdom Hall niining mga tomoha. Kini mahimong usa ka panalangin alang sa tibuok kongregasyon. Bisan kon dili nimo mabatonan ang tanang tomo dihadiha, tingali ang kongregasyon makapedido ug usa o duha karon ug unya dugangan kini sa ulahi basta aduna pa kamiy suplay.
4 Gidasig namo ang mga indibiduwal kinsa makaarang nga magbaton ug kompletong librarya nga ilang kaugalingon. Apan alang kanilang dili makaarang, ang librarya sa Teokratikanhong Ministeryong Tunghaan magasilbig usa ka mapuslanong katuyoan. Samtang gamiton ta kini sa paghimog panukiduki, atong makaplagan ang ‘tinipigan nga mga bahandi’ sa Pulong sa Diyos.—Prov. 2:4-6.