Mga Pahibalo
◼ Tanyag nga basahon sa Oktubre: Usa ka tuig nga suskrisyon sa Ang Bantayanang Torre o Pagmata! sa ₱120.00. Nobyembre: Kahibalo nga Motultol sa Kinabuhing Walay Kataposan sa ₱20.00. Disyembre: New World Translation sa Ingles o Ang Balaang Kasulatan uban sa Ang Bibliya—Pulong sa Diyos o sa Tawo? sa ₱100.00. Enero: Gamay nga librong Mabuhing Walay Kataposan sa gipakubsang amot nga ₱20.00. (Tan-awa ang pahibalo sa ubos.) MATIKDI: Ang mga kongregasyon nga wala pa makapedido sa nahisgotan sa ibabaw nga kampanyang mga aytem magabuhat niana sa ilang sunod nga binulang Literature Order Form (S-AB-14).
◼ Sa Enero atong itanyag ang gamay-edisyon nga librong Mabuhing Walay Kataposan sa gipakubsang bayad. Ang bayad sa payunir maoy ₱15.00. Ang tanang order nga madawat niining basahona human sa Septiyembre 1, 1996 prisyohan sa bayad nga ₱20.00 sa mga kongregasyon. Usab, sa bisan hain niining mga basahona nga anaa sa inyong estak sa pagka-Septiyembre 1 ug makita sa inyong Literature Inventory (S-18) nianang petsaha, kubsan sa Sosyedad ang inyong kuwenta sa ₱10.00 matag basahon. Busa, ang bugtong pagkubos nga hangyoon sa mga kongregasyon mao lamang kadtong nakuha sa mga payunir. Apan, sa dihang magahangyog pioneer credit, palihog ilista kining mga basahona sa linya alang sa “Pocket-size books” sa pormang S-20 Remittance and Credit Request.
◼ Kasagaran ang Nobyembre ug Disyembre maoy maayong mga bulan sa pagpakig-ambit sa buluhatong oksilyare payunir. Kadtong nagaplanong moaplay motunol na sa ilang mga aplikasyon nga sayo aron ang mga ansiyano makahimog gikinahanglang mga kahikayan alang sa literatura ug teritoryo.
◼ Sanglit ang Nobyembre 1 kasagaran maoy usa ka pista opisyal maayong panahon kini sa paghikay ug linaing kalihokan sa pagmagasin. Daghan ang mabalak-on bahin sa ilang namatay nga mga minahal sa Oktubre 31 ug Nobyembre 1, busa maayo ang paggamit sa tract nga Unsay Paglaom Alang sa Namatay nga mga Minahal? maingon man ang brosyur nga Sa Dihang ang Imong Minahal Mamatay sa dihang magakobre sa kabalayan o sa mga lubnganan niining mga adlawa. Dugang pa, makaplagan nimo ang artikulong “Sa Dihang ang mga Patay Mabuhi Pag-usab” sa Oktubre 15, 1996 nga Bantayanang Torre nga tukma kaayo niining panahona.
◼ Ang pasukip niining isyuha sa Atong Ministeryo sa Gingharian mao ang “Theocratic Ministry School Schedule for 1997” ug angayng tipigan ingong reperensiya sa tibuok 1997.
◼ Ang Watchtower Library—1995 Edition mabatonan na karon sa CD-ROM ug maorder na sa amot nga ₱300.00. Mipuli kini sa 1993 nga edisyon ug nasudlan sa tanang edisyon sa The Watchtower gikan sa 1950 ngadto sa 1995 maingon man ang tanang isyu sa Awake!, Our Kingdom Ministry, mga libro, mga pulyeto, mga brosyur, ug tracts sa katuigang 1970 hangtod sa 1995. Sa paggamit niini nga CD-ROM, kinahanglanon ang pagbaton sa mosunod: usa ka IBM-PC-compatible computer nga may 80386 o mas kusog nga microprocessor; gikabit nga CD-ROM drive; di-mokubos sa duha ka megabytes sa RAM (upat ka megabytes ang girekomendar); lima ka megabytes sa free hard disk space; usa ka VGA o higher resolution color o monochrome monitor; magamit ang bisan hain sa Windows 3.1, Windows 95, o Windows NT 3.51 alang sa Intel operating systems. Usab, mahimong magamit kini uban sa OS/2 operating system.