Mga Pahibalo
◼ Tanyag nga basahon sa Nobyembre: Kahibalo nga Motultol sa Kinabuhing Walay Kataposan sa ₱20.00. Disyembre: New World Translation sa Ingles o Ang Balaang Kasulatan uban sa Ang Bibliya—Pulong sa Diyos o sa Tawo? sa ₱100.00. Enero: Gamay nga librong Mabuhing Walay Kataposan sa gipakubsang amot nga ₱20.00. (Tan-awa ang pahibalo sa Oktubre nga Atong Ministeryo sa Gingharian.) Pebrero: Life—How Did It Get Here? By Evolution or by Creation?, dakong edisyon sa ₱60.00, gamayng edisyon sa ₱30.00. Apan, sa mga teritoryong wala magasultig Ingles, ang gamay nga librong Mabuhing Walay Kataposan kinahanglang itanyag sa gipakubsang amot nga ₱20.00. MATIKDI: Ang mga kongregasyon nga wala pa makapedido sa nahisgotan sa ibabaw nga mga basahon sa kampanya angayng magabuhat na niana sa ilang sunod binulang Literature Order Form (S-AB-14).
◼ Ang mga magmamantala nga nagaplano sa pag-oksilyare payunir sa Disyembre kinahanglang motunol na sa ilang aplikasyon nga sayo aron ang mga ansiyano makahimog gikinahanglang mga kahikayan alang sa literatura ug teritoryo.
◼ Ang Sosyedad nagaplano nga hikayon ang paghubad alang sa mga bungol sa unang “Mga Mensahero sa Diyosnong Pakigdait” Distritong Kombensiyon sa Quezon City karong Disyembre 20-22, 1996. Busa, ang bisan kinsang mga tawong bungol nga makasabot sa senyas nga pinulongan angayng motambong niini nga kombensiyon, sanglit walay paghubad para sa mga bungol sa ubang mga dapit sa kombensiyon.
◼ Kausaban sa Distritong Kombensiyon: Palihog matikdi diha sa listahan sa mga kombensiyon nga ang kombensiyon nga unang gieskedyul sa Marikina, Metro Manila karon himoon na sa Pasig City. Walay kausaban sa mga petsa.
◼ Ang order blank sa pagpedido ug 1997 Yearbook gipadala na ngadto sa matag usa ka kongregasyon uban sa taho sa kuwenta sa Hunyo. Kon wala pa kamo makapil-ap niini, palihog seguroha ang paghimo niana ug ipadalag balik sa Sosyedad nga dili maulahi sa Nobyembre 15, 1996 ingon sa gihangyo.
◼ Nota Alang sa mga Sekretaryo sa Kongregasyon: Kon adunay mga magmamantala nga mobiya sa inyong kongregasyon aron mopuyo sa ubang nasod, palihog himoa ang linaing paningkamot sa pagpadala sa ilang Publisher Record card ngadto sa tukmang kongregasyon sa sayo nga maarangan. Kami nakadawat ug mga taho nga kadtong milangyaw sa pagpuyo sa ubang nasod kasagaran wala mahatagig espirituwal nga pagtagad hangtod nga sila nakapuyo na didto ug pipila ka bulan. Aron malikayan kini, sulayi ang pagkuha sa ilang tukmang adres sa dili pa sila mobiya, o sa sayo nga maarangan human sa ilang paghidangat didto. Niining paagiha, bisan kon dili ka makahimo sa pagkuha sa adres sa sekretaryo sa kongregasyon didto, makapadala ka sa record card sa sangang opisina sa Sosyedad sa maong nasod uban ang usa ka sulat nga magsaysay sa kahimtang ug makahatag sa tukmang adres. Sila makahimo dayon sa pagpadala sa impormasyon ngadto sa labing duol nga kongregasyon aron sila matabangan sa espirituwal.