Mga Pahibalo

◼ Tanyag nga literatura sa Disyembre: New World Translation sa Ingles o Ang Balaang Kasulatan uban sa Ang Bibliya​—Pulong sa Diyos o sa Tawo? sa ₱100.00. Enero: Gamay nga librong Mabuhing Walay Kataposan sa gipakubsang amot nga ₱20.00. (Tan-awa ang pahibalo sa Oktubre nga Atong Ministeryo sa Gingharian.) Pebrero: Life​—How Did It Get Here? By Evolution or by Creation?, dakong edisyon sa ₱60.00, gamayng edisyon sa ₱30.00. Sa mga teritoryong wala magsultig Ingles, ang gamay nga librong Mabuhing Walay Kataposan itanyag sa gipakubsang amot nga ₱20.00. Marso: Bag-ong publikasyon nga luwatan sa distritong kombensiyon. MATIKDI: Ang mga kongregasyon nga wala pa makapedido sa nahisgotan sa ibabaw nga mga basahon sa kampanya angayng magabuhat na niana sa ilang sunod binulang Literature Order Form (S-AB-14).

◼ Ang nagadumalang magtatan-aw o usa nga iyang itudlo kinahanglang mag-awdit sa mga kuwenta sa kongregasyon sa Disyembre 1 o human gilayon niana. Ipahibalo sa kongregasyon kon mahimo na kini.

◼ Bililhon alang sa tanang magmamantala ang paghimog tinong mga kahikayan sa pagpakig-ambit sa pag-alagad sa kanataran sayo sa Disyembre. Kon, gumikan sa pagtambong sa usa ka kombensiyon o tua sa bakasyon, ikaw mahilayo sa imong kongregasyon sa kataposan sa Disyembre, segurohang ikahatag sa sekretaryo ang imong taho sa dili ka pa mobiya. Pinaagig matanlagong pagtunol sa tanan sa ilang taho sa hustong panahon, makabaton kitag kompletong taho sa Disyembre.

◼ Sanglit ang distritong kombensiyon niining tuiga tulo ka adlaw lamang, dili kinahanglang kanselahon ang Pagtuon sa Libro sa Kongregasyon sulod sa semana sa kombensiyon.

◼ Mga Amot sa Distritong Kombensiyon: Buot namong pahinumdoman ang matag usa nga ang tanang galastohan sa kombensiyon, lakip na ang arkila sa mga pasilidad, pagtukod sa plataporma, ug ang gitaganang mga sistema sa public address, sa bug-os gisuportahan sa inyong boluntaryong mga amot. Nasayod kaming ang tanang motambong magahinumdom niini. Ang mga amot mahimo man pinaagig mga kahon sa amot nga gitagana didto sa mga kombensiyon.​—Tan-awa ang parapo 13 sa pasukip sa Nobyembre, 1996 nga Atong Ministeryo sa Gingharian.

◼ Tinuig nga teksto sa 1997: Ang tinuig nga teksto sa 1997 gikuha sa Salmo 143:10: “Tudloi ako sa pagbuhat sa imong kabubut-on.” Ang tanang kongregasyon kinahanglang maghikay nga ikataod kining bag-ong teksto sa ilang mga Kingdom Hall sa Enero 1, 1997.

◼ Koreksiyon: Sa Agosto, 1996 nga Atong Ministeryo sa Gingharian ang presyo sa 1997 nga kalendaryo sayop nga nasulat nga ₱20.00. Kini maoy ₱25.00. Palihog tinoa nga ang mga igsoon moamot niining kantidara, kay mao kini ang singlon diha sa kongregasyon.

◼ Bag-ong Compact Disc nga Mabatonan:

Kingdom Melodies on Compact Disc, Tomo 1. (Kini maoy una sa walo ka Compact Discs ug naundan kini sa samang musika sa Kingdom Melodies No. 1 sa audiocassette. Ang amot sa mga magmamantala ug mga payunir maoy ₱90.00.)