Mga Pahibalo

◼ Tanyag nga literatura sa Enero: Gamay nga Mabuhing Walay Kataposan nga libro sa gipakubsang amot nga ₱20.00. Pebrero: Life​—How Did It Get Here? By Evolution or by Creation?, dakong edisyon sa ₱60.00, gamayng edisyon sa ₱30.00. Sa wala magsultig-Ingles nga mga teritoryo, ang gamay nga Mabuhing Walay Kataposan nga libro kinahanglang itanyag sa gipakubsang amot nga ₱20.00. Marso: Bag-ong publikasyon nga luwatan sa distritong kombensiyon. Abril ug Mayo: Usa ka tuig nga suskrisyon sa Ang Bantayanang Torre sa ₱120.00. MATIKDI: Ang mga kongregasyon nga wala pa makapedido sa nahisgotan sa ibabaw nga mga basahon sa kampanya angayng magabuhat na niana sa ilang sunod binulang Literature Order Form (S-AB-14).

◼ Ang Enero mao ang panahon sa pagbag-o sa atong Medical Directives ug Identity Cards sa 1997. Usab, ang tanang bag-ong nabawtismohang mga membro sa kongregasyon kinahanglang tagan-an ug kard, maingon man ang di-bawtismadong menor de edad nga mga anak sa mga Saksing ginikanan. Sublion palihog sa sekretaryo ang sulat ngadto sa tanang kongregasyon penetsahan ug Nobyembre 1, 1991 kon unsaon pagpil-ap kini nga mga kard, ug magtagana sa tanang nanginahanglan ug mga kard sa Tigom sa Pag-alagad sa semana sa Enero 13-19. Kon gikinahanglan, pagpedido ug dugang mga kard gikan sa Sosyedad.

◼ Ang mga kongregasyon kinahanglang maghimog mga kahikayan sa pagsaulog sa Memoryal niining tuiga sa Dominggo, Marso 23, tapos sa pagsalop sa adlaw. Bisan tuod ang pakigpulong mahimong sugdan ug sayosayo, ang pagpasa sa mga emblema sa Memoryal kinahanglang dili magsugod hangtod sa pagkatapos sa pagsalop sa adlaw. Sanglit walay mga tigom nga pagahimoon sa maong adlaw, ang nahiangayng mga pagpasibo kinahanglang himoon sa pagtuon sa Bantayanang Torre nga dumalahon sa laing panahon. Ang mga magtatan-aw sa sirkito kinahanglang mopasibo sa ilang eskedyul sa semana sumala sa lokal nga mga kahimtang. Bisan tuod tilinguhaon alang sa matag kongregasyon ang paghimo sa kaugalingong pagsaulog sa Memoryal, kini hayan dili kanunayng posible. Diin ang ubay-ubayng mga kongregasyon naandan nang naggamit sa samang Kingdom Hall, tingali ang usa o dugang mga kongregasyon makagamit ug laing pasilidad nianang gabhiona. Ang Memoryal kinahanglang dili magsugod nga gabii na kaayo aron ang interesadong mga tawo dili malisdan sa pagtambong. Ni ang eskedyul pig-ot ra kaayo nga wala nay panahon sa dili pa o sa pagkatapos sa saulog sa paghimamat sa mga bisita, sa paghikay ug espirituwal nga tabang sa mga interesado, o sa pagtagamtam sa pagdinasigay. Tapos makonsiderar sa bug-os ang tanang butang, ang mga ansiyano kinahanglang magtino kon unsang mga kahikayana ang labing ikaayo alang sa tanang motambong. Ang mga imbitasyon sa Memoryal ipadala ra sa mga kongregasyon kon mapatik na.

◼ Ang espesyal nga pakigpulong sa 1997 ipahayag sa tibuok kalibotan sa Dominggo, Abril 6, 1997. Ang ulohan maoy “Magmahinlo sa Kalibotanong mga Kahugawan.” Ang laraw itagana ra sa hustong panahon. Ang mga kongregasyon nga may duaw sa magtatan-aw sa sirkito, usa ka sirkitong asembliya, o espesyal nga adlaw nga asembliya niana nga hinapos sa semana maghimo sa ilang espesyal nga pakigpulong sa mosunod nga semana, sa Abril 13. Walay kongregasyon ang maghimog espesyal nga pakigpulong sa dili pa ang Abril 6.

◼ Ang lawas sa mga ansiyano kinahanglang makamatikod nga ang mosunod nga mga pagpasibo gikinahanglan sa dihang ang kongregasyon motambong sa lokal nga mga asembliya: Sa dihang gieskedyul ang programa sa espesyal nga adlaw nga asembliya, ang kongregasyon kinahanglang maghimo sa ilang normal nga mga tigom sa tibuok semana, gawas lamang sa gikanselar nga Miting Publiko ug Pagtuon sa Bantayanang Torre. Sa dihang gieskedyul ang pagtambong sa usa ka sirkitong asembliya, ang kongregasyon magkanselar usab sa Tunghaan sa Teokratikanhong Ministeryo ug sa Tigom sa Pag-alagad; ang Pagtuon sa Libro sa Kongregasyon lamang ang himoon nianang semanaha.