Mga Pahibalo

◼ Tanyag nga literatura sa Pebrero: Life​—How Did It Get Here? By Evolution or by Creation?, dakong edisyon sa ₱60.00, gamayng edisyon sa ₱30.00. Sa wala magsultig Ingles nga mga teritoryo, ang gamay nga Mabuhing Walay Kataposan nga libro kinahanglang itanyag sa gipakubsang amot nga ₱20.00. Marso: Ang bag-ong libro nga Ang Sekreto sa Kalipay sa Pamilya sa ₱20.00. Abril ug Mayo: Usa ka tuig nga suskrisyon sa Ang Bantayanang Torre sa ₱120.00. MATIKDI: Ang mga kongregasyon nga wala pa makapedido sa nahisgotan sa ibabaw nga mga literatura sa kampanya kinahanglang magahimo na niana sa ilang sunod nga binulang Literature Order Form (S-AB-14).

◼ Ang sekretaryo ug ang magtatan-aw sa pag-alagad kinahanglang magsubli sa kalihokan sa tanang regular payunir sa kongregasyon. Sa kataposan sa Pebrero, angay nga nakataho na sila ug mga 500 ka oras niining tuiga sa pag-alagad. Kon adunay nalisdan sa pagkuha sa kinahanglanong oras, ang mga ansiyano kinahanglang maghikay ug tabang nga ikahatag. Alang sa mga sugyot, sublia ang sulat sa Sosyedad pinetsahan ug Disyembre 15, 1996.

◼ Sa Dominggo, Pebrero 16, aduna unyay tigom sa tanang nagaplano sa pag-oksilyare payunir sa Marso, Abril, ug Mayo. Ang tanan gidasig sa pagtambong. Ang magtatan-aw sa pag-alagad kinahanglang maoy modumala sa tigom ug tinoon nga mabatonan ang igong mga aplikasyon sa oksilyare payunir. Kadtong nagaplano nga mag-oksilyare payunir niining tulo ka bulan kinahanglang magplano na karon ug itunol ang ilang mga aplikasyon nga sayo.

◼ Bag-ong mga Publikasyong Mabatonan:

Ang Sekreto sa Kalipay sa Pamilya​—Bicol, Cebuano, Chinese, Hiligaynon, Iloko, Ingles, Pangasinan, Samar-Leyte, Tagalog, Vietnamese

Unsay Gikinahanglan sa Diyos Kanato?​—Bicol, Cebuano, Chinese, Hiligaynon, Iloko, Ingles, Pangasinan, Samar-Leyte, Tagalog, Vietnamese

◼ Bag-ong Compact Disc nga Mabatonan:

Kingdom Melodies on Compact Disc, Tomo 2. (Naundan sa samang musika sa Kingdom Melodies No. 2 sa audiocassette. Amot sa mga magmamantala ug mga payunir: ₱90.00.)