Mga Pahibalo

◼ Tanyag nga literatura sa Septiyembre: Ang Sekreto sa Kalipay sa Pamilya sa ₱20.00. Oktubre: Usa ka tuig nga suskrisyon sa Ang Bantayanang Torre o Pagmata! sa ₱120.00. Sugod sa ulahing bahin sa bulan, ang Kingdom News No. 35 iapod-apod. Nobyembre: Ang kampanya sa Kingdom News No. 35 magpadayon sa unang katunga sa bulan. Human niana, ang Kahibalo nga libro itanyag. Disyembre: New World Translation sa Ingles o Ang Balaang Kasulatan uban sa Ang Bibliya​—Pulong sa Diyos o sa Tawo? sa ₱100.00. MATIKDI: Ang mga kongregasyon nga wala pa makapedido sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).

◼ Sugod sa Oktubre, ang mga magtatan-aw sa sirkito mopahayag sa pakigpulong publiko nga nag-ulohang “Gamita ang Edukasyon sa Pagdayeg Kang Jehova” sa dihang moduaw sa mga kongregasyon.

◼ Ang nagadumalang magtatan-aw o usa nga iyang itudlo kinahanglang mag-awdit sa kuwenta sa kongregasyon sa Septiyembre 1 o sa di madugay human niana. Ipahibalo sa kongregasyon sa dihang kini nahimo na.

◼ Gipahinumdoman ang mga ansiyano sa pagsunod sa mga instruksiyon nga gihatag sa mga panid 21-3 sa Abril 15, 1991, Bantayanang Torre, maylabot ni bisan kinsang napalagpot o nadis-asosyet nga mga tawo nga tingali buot nang mapasig-uli.

◼ Sa Oktubre ug Nobyembre, adunay linaing pag-apod-apod sa Kingdom News No. 35. Maayong panahon kini alang niadtong makahimo sa pag-oksilyare payunir. Among dasigon ang tanan sa pagplano niining maong tumong.

◼ Aduna pa kita ing igoigong suplay sa Ingles nga mga tomo sa Watchtower gikan sa 1951 ngadto sa 1959 ug buot dasigon ang mga indibiduwal ug mga kongregasyon sa pag-order niini alang sa ilang teokratikanhong mga librarya.

◼ Ang “Pangutana” sa Mayo, 1997 nga Atong Ministeryo sa Gingharian nagrekomendar nga kita magmabinantayon sa pagbuhat diha sa ministeryo duyog sa mga magmamantala sa kaatbang nga sekso. Adunay maayong mga katarongan alang sa tanan sa paggamit ug maayong panghukom niining butanga. Wala kini magpasabot nga ang nagapanawng mga magtatan-aw o bisan ubang mga igsoong lalaki dili makasangyaw duyog sa mga sister diha sa ministeryo sa kanataran. Hinunoa, gipahayag ang ideya nga dili maalamon alang sa usa ka igsoong lalaki nga maggugol ug panahon nga nagainusara kuyog kanunay sa samang tawo sa kaatbang nga sekso nga dili niya iglabot.

◼ Bag-ong Videocassette nga Mabatonan:

The Bible​—Its Power in Your Life (Mao kini ang ikatulo sa serye bahin sa Bibliya. Magmamantala: ₱300.00; Payunir: ₱240.00.)​—Ingles

◼ Mabatonan na Usab:

Watchtower Library​—1995 Edition diha sa CD-ROM​—Ingles (Matikdi: Sa dihang maghimog mga hangyo sa literatura, kinahanglang hinumdoman sa mga kongregasyon nga ang CD-ROM sa Sosyedad dili ipaturagas pag-apod-apod. Sa pangunang paagi kini maoy gamit sa mga magmamantala.)