Mga Pahibalo

◼ Tanyag nga literatura sa Nobyembre: Ang kampanya sa Kingdom News No. 35 magpadayon sa unang katunga sa bulan. Human niana, ang Kahibalo nga libro ang itanyag. Disyembre: New World Translation sa Ingles o Ang Balaang Kasulatan uban sa Ang Bibliya​—Pulong sa Diyos o sa Tawo? sa ₱100.00. Enero: Nahiusa sa Pagsimba sa Bugtong Matuod nga Diyos o ang gamay nga Mabuhing Walay Kataposan sa ₱20.00. Pebrero: Life​—How Did It Get Here? By Evolution or by Creation?, dakong edisyon sa ₱60.00, gamayng edisyon sa ₱30.00. Hinunoa, sa wala-magsultig-Ingles nga mga teritoryo, ang gamay nga Mabuhing Walay Kataposan nga libro angayng itanyag sa amot nga ₱20.00. MATIKDI: Ang mga kongregasyon nga wala pa makapedido sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).

◼ Ang mga magmamantala nga nagaplano sa pag-oksilyare payunir sa Disyembre angayng motunol na sa ilang aplikasyon nga sayo aron ang mga ansiyano makahimog kinahanglanong mga kahikayan alang sa literatura ug teritoryo.

◼ Ang Sosyedad nagaplano sa paghikay ug pagbadbad alang sa mga bungol sa unang “Pagtuo sa Pulong sa Diyos” Distritong Kombensiyon sa Quezon City sa Disyembre 26-28, 1997. Busa, si bisan kinsang bungol nga mga tawo nga makasabot ug senyas nga pinulongan angayng motambong niini nga kombensiyon, sanglit walay pagbadbad alang sa mga bungol sa ubang mga dapit sa kombensiyon.

◼ Mga Kausaban sa Presyo:

New World Translation of the Holy Scriptures (Deluxe, DLbi12) Magmamantala: ₱200.00; Payunir: ₱160.00. Palihog matikdi nga kini maoy alang sa dakong edisyon lamang, ang de-bulsang gidak-on nga Bibliya mao gihapon ang presyo.

Wala na ing pioneer rate sugod sa 1998 nga edisyon sa Pagsusi sa Kasulatan sa Adlaw-Adlaw. Ang mga regular payunir nga anaa sa listahan una pa sa Hulyo 1, 1997, makadawat ug libreng kopya apan ang bisan unsang dugang nga mga kopya mabatonan sa kantidad nga ₱10.00.