Mga Pahibalo
◼ Tanyag nga literatura sa Enero: Nahiusa sa Pagsimba sa Bugtong Matuod nga Diyos o ang gamay nga Mabuhing Walay Kataposan nga libro sa ₱20.00. Pebrero: Life—How Did It Get Here? By Evolution or by Creation?, dakong edisyon sa ₱60.00, gamayng edisyon sa ₱30.00. Hinunoa, sa wala-magsultig-Ingles nga mga teritoryo, ang gamay nga Mabuhing Walay Kataposan nga libro ang angayng itanyag sa amot nga ₱20.00. Marso: Ang Kalipay sa Pamilya nga libro ang itanyag. Kon wala kamo niining libroha ikatanyag ninyo ang Kahibalo nga libro. MATIKDI: Ang mga kongregasyon nga wala pa makapedido sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).
◼ Ang mga kongregasyon angayng maghimog kombenyenteng mga kahikayan sa pagsaulog sa Memoryal niining tuiga sa Sabado, Abril 11, human sa pagsalop sa adlaw. Bisan tuod ang pakigpulong mahimong magsugod nga sayosayo pa, ang pagpasa sa mga emblema sa Memoryal kinahanglan nga dili sugdan hangtod human sa pagsalop sa adlaw. Susiha ang lokal nga mga tinubdan sa pagtino kon kanus-a ang pagsalop sa adlaw mahitabo sa inyong dapit. Bisan tuod maayo alang sa matag kongregasyon ang paghimog kaugalingong pagsaulog sa Memoryal niini, kini dili tingali kanunayng posible. Diin ubay-ubayng kongregasyon ang naandang nagagamit sa samang Kingdom Hall, tingali usa o dugang mga kongregasyon ang makagamit ug laing pasilidad sa maong gabii. Ang Memoryal kinahanglang dili sugdan nga gabii na kaayo nga makaplagan sa bag-ohang interesadong mga tawo nga di-kombenyente ang pagtambong. Ni ang eskedyul pig-ot ra kaayo nga wala na ing panahon una pa o human sa pagsaulog sa pag-abiabi sa mga bisita, sa paghimog mga kahikayan alang sa padayong espirituwal nga tabang alang sa mga interesado, o sa pagpahimulos ug katibuk-ang pagdinasigay. Human sa bug-os nga pagtagad sa tanang kahimtang, angayng hukman sa mga ansiyano kon unsang mga kahikayan ang ilabinang makatabang niadtong motambong sa Memoryal aron bug-os makabenepisyo sa maong okasyon.
◼ Ang espesyal nga pahayag publiko alang sa 1998 nga panahon sa Memoryal ipahayag sa Dominggo, Marso 29. Ang usa ka laraw igatagana. Kadtong mga kongregasyon nga adunay duaw sa magtatan-aw sa sirkito, sirkitong asembliya, o espesyal nga adlaw nga asembliya nianang maong hinapos sa semana maghimo sa maong espesyal nga pakigpulong sa pagkasunod semana. Walay kongregasyon ang maghimo sa espesyal nga pakigpulong una pa sa Marso 29, 1998.
◼ Ang lawas sa mga ansiyano angayng masayod nga ang mosunod nga mga pagpasibo gikinahanglan sa dihang ang kongregasyon motambong sa mga asembliya. Sa dihang ieskedyul ang programa sa espesyal nga adlaw nga asembliya, ang kongregasyon kinahanglang maghimo sa tanang normal nga mga tigom sa tibuok semana, ang Miting Publiko ug Pagtuon sa Bantayanang Torre ang gikanselar lamang. Sa dihang naeskedyul nga motambong sa sirkitong asembliya, kanselahon usab sa kongregasyon ang Tunghaan sa Teokratikanhong Ministeryo ug ang Tigom sa Pag-alagad; ang Pagtuon sa Libro sa Kongregasyon lamang ang himoon sa lokal sulod nianang semanaha.
◼ Sanglit kita nagalantaw sa Abril ingong espesyal nga bulan sa pag-alagad karon na ang panahon sa pagtagad sa inyong mga panginahanglan sa kongregasyon alang sa ekstrang mga magasin nga magamit sa maong bulan. Palihog ipadalag sayo ang inyong mga order aron ang inyong mga panginahanglan maatiman.
◼ Aduna pa kitay diyutayng nahibilin nga estak sa Kingdom News No. 35 sa Bicol, Cebuano, Ingles, Hiligaynon, Iloko, Pangasinan ug Samar-Leyte. Ang mga kongregasyon nga wala makakobre nga bug-os sa ilang teritoryo uban niini nga tract, mahimong mopedido ug dugang suplay aron makobrehan kini. Ipadala sa Sosyedad ang inyong mga pedido hangtod mahurot ang suplay.
◼ Bag-ong Audiocassette nga Mabatonan: The Secret of Family Happiness (4 ka cassette nga album nga naundan sa tibuok libro. Magmamantala ug Publiko: ₱250.00; Payunir: ₱180.00.)