Teokratikanhong mga Balita

Liberia: Ang Sangang buhatan sa Monrovia gibuksan pag-usab sa Septiyembre 1, human gisirhan sulod sa 15 ka bulan ingong resulta sa gubat sibil. Nagtaho silag bag-ong tibuok-panahong kinatas-an nga 1,977 ka magmamantala sa Septiyembre.

Mozambique: Ang bag-ong kinatas-an nga 28,005 ka magmamantala ang nakab-ot sa Septiyembre. Ang kinatas-an kanhi maoy 25,790 sa Mayo 1975, busa kini maoy talagsaong pag-uswag sa teokratikanhong kasaysayan sa Mozambique.

Nepal: Ang bag-ong kinatas-an nga 306 ka magmamantala ang nakab-ot sa Septiyembre. Duolag 500 ka pagtuon sa Bibliya ang ginadumala sa pagkakaron.

St. Helena: Ang matag panimalay niining islaha nahatagag kopya sa Kingdom News No. 35.

Ubay-ubayng kanasoran nagsugod sa tuig sa pag-alagad uban ang bag-ong mga kinatas-an sa magmamantala nga miabot sa 5-porsiyentong mga pag-uswag kay sa aberids sa miaging tuig: Hong Kong, 4,230; Madagascar, 8,749 (lakip sa kinatas-an nga 912 ka regular payunir); Taiwan, 3,497.