Repaso sa Tunghaan sa Teokratikanhong Ministeryo
Serado-basahong pagsubli sa materyal nga nakobrehan diha sa mga asaynment sa Tunghaan sa Teokratikanhong Ministeryo para sa mga semana sa Mayo 4 hangtod sa Agosto 28, 1998. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.
[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantaynaang Torre.]
Tubaga ang matag usa sa mosunod nga mga pahayag nga Matuod o Bakak:
1. Sumala sa rekord sa Bibliya, giduaw ni Pablo ang Corinto tulo ka beses. [si-CV p. 214 par. 3]
2. Ang mga lakang ngadto sa Kristohanong bawtismo magsugod pinaagi sa pagbaton ug tukmang kahibalo kang Jehova nga Diyos ug kang Jesu-Kristo sa atong kasingkasing. [kl-CV p. 173 par. 7]
3. Ang kahulogan sa Efeso 5:13 mao nga ang kalibotanong mga buhat gibutyag ingong makasasala ug tinuod gayod kana kon kini lantawon sumala sa kahayag sa Pulong sa Diyos. [Senemanang pagbasa sa Bibliya; tan-awa ang it-2-E p. 254 par. 3.]
4. Atong mahagoan ang kinabuhi pinaagi sa pag-alagad kang Jehova nga Diyos. [kl-CV p. 182 par. 4]
5. Ang teksto sa Galacia 5:26 nagpahigawas sa tanang may kompetisyong mga esport ug mga dula alang sa matuod nga mga Kristohanon. [Senemanang pagbasa sa Bibliya; tan-awa ang g95-CV 12/8 p. 15 par. 8.]
6. Bisag siya maisogong naghangyo sa lawas ni Jesus aron kini ilubong, gibuntog ni Jose nga taga-Arimatea ang iyang kahadlok sa dili magtutuong mga Hudiyo. [it-2-E p. 112 par. 8]
7. Ang sulat ngadto sa mga taga-Filipos gisulat ni Pablo mga pipila ka bulan lamang human matukod niya ang kongregasyon sa Filipos, ug kini gipalihok sa grabeng mga suliran nga mitungha taliwala kanila. [si-CV p. 224 par. 3]
8. Si Jesus “gipahayag nga matarong diha sa espiritu,” ingon sa gihisgotan sa 1 Timoteo 3:16, pinaagi sa pagganti sa kinabuhi nga espirituhanon sa iyang pagkabanhaw; kini katumbas sa pagpahayag sa Diyos nga si Jesus sa katibuk-an matarong ug takos sa dugang tinuboy nga mga buluhaton. [Senemanang pagbasa sa Bibliya; tan-awa ang w90-CV 1/15 p. 13 par. 12.]
9. “Ang pagpagawas” nga gihisgotan sa Filipos 1:23 maoy dayag nga palaaboton ni Pablo nga mahiuban kang Kristo dihadiha inigkamatay. [Senemanang pagbasa sa Bibliya; tan-awa ang w95-CV 3/1 p. 30 par. 4.]
10. Gisulat ni Pablo ang 1 Timoteo panahon sa yugto tali sa iyang pagkagawas gikan sa unang pagkabilanggo sa Roma ug sa iyang kataposang pagkabilanggo didto. [si-CV p. 234 par. 2]
Tubaga ang mosunod nga mga pangutana:
11. Sa unsang paagi nga ang pipila sa Corinto nakigbahin sa mga emblema nga “dili-takos” sa dihang sila nagkatigom sa pagsaulog sa Memoryal sa kamatayon ni Kristo? (1 Cor. 11:27) [Senemanang pagbasa sa Bibliya; tan-awa ang w90-CV 2/15 p. 19 par. 17.]
12. Ang presensiya ni kinsa ang naghulga sa kaayohan sa kongregasyon sa Corinto, nga nagpalihok kang Pablo sa pagsulat sa iyang ikaduhang sulat sa Corinto? [si-CV p. 214 par. 2]
13. Sa unsang paagi baslan ni Jehova ang tanan natong pagsakripisyo alang sa iyang pagsimba? [kl-CV p. 169 par. 20]
14. Unsay nalampos sa mga pag-apelar sa hatag-as nga mga hukmanan sa mga butang nga nalangkit sa matuod nga pagsimba? [jv-CV p. 683 par. 4]
15. Sa iyang paggamit sa Pulong sa Diyos, sa unsang paagi gitagana ni Pablo ang talagsaong panig-ingnan alang sa Kristohanong mga ministro karong adlawa? [si-CV p. 217 par. 19]
16. Unsay gipasabot ni apostol Pablo sa dihang siya miingon nga ang Balaod gidugang “aron madayag ang mga kalapasan”? (Gal. 3:19) [Senemanang pagbasa sa Bibliya; tan-awa ang uw-CV p. 147 mga par. 3-4.]
17. Sa Filipos 1:3-7, alang sa unsang mga katarongan nga gidayeg ni Pablo ang mga igsoon, ug sa unsang paagi makabenepisyo kita gikan sa ilang panig-ingnan? [si-CV p. 225 par. 12]
18. Nganong angayng sundon sa tanang Kristohanong mga ministro ang tambag nga gipakita sa Colosas 4:6? [si-CV p. 228 par. 13]
19. Unsay gipasabot ni apostol Pablo sa dihang siya miingon nga gitinguha niyang ang mga babaye “magadayandayan sa ilang kaugalingon . . . uban ang kaligdong”? (1 Tim. 2:9) [Senemanang pagbasa sa Bibliya; tan-awa ang g90-CV 6/22 p. 19 par. 2.]
20. Nganong ang mga Kristohanon angayng mamati sa pasidaan ni Pablo sa 1 Timoteo 6:4 maylabot sa “mga debate bahin sa mga pulong”? [si-CV p. 236 par. 15]
Itagana ang (mga) pulong o prase nga gikinahanglan sa pagkompleto sa matag usa sa mosunod nga mga pahayag:
21. Sa tuig ․․․․․․․․, ang kasabotan tali sa ․․․․․․․․ ug sa Nazi nga Alemanya gipirmahan ug si Hitler milusad ug kampanya sa paglaglag sa ․․․․․․․․ sa Alemanya. [jv-CV p. 659 par. 2]
22. Ang unang sulat ni Pablo ngadto sa mga taga-Corinto maoy labing mapuslanon sa pagpadako sa atong pagsabot sa ․․․․․․․․, nga niana kini mihimog daghang pagkutlo. [si-CV p. 213 par. 23]
23. Sa iyang sulat ngadto sa mga taga-Galacia, gipamatud-an ni Pablo nga ang pagpakamatarong maoy pinaagi sa ․․․․․․․․ kang Kristo Jesus, dili pinaagi sa mga buhat sa ․․․․․․․․, ug nga ang ․․․․․․․․ dili kinahanglanon alang sa mga Kristohanon. [si-CV p. 218 par. 6]
24. Sa iyang unang sulat ngadto sa mga taga-Tesalonica, upat ka beses nga gihisgotan ni Pablo ang ․․․․․․․․ ni Jesu-Kristo, dayag tungod sa interes sa kongregasyon niining pagtulon-ana. [si-CV p. 231 par. 15]
25. Ang ikaduhang sulat ngadto sa mga taga-Tesalonica gisulat ni ․․․․․․․․ samtang didto sa ․․․․․․․․ sa tuig ․․․․․․․․. [si-CV p. 232 par. 4]
Pilia ang hustong tubag sa matag usa sa mosunod nga mga pahayag:
26. Sa paghisgot sa iyang katungod sa pagkinabuhi pinaagi sa ministeryo, si Pablo nagpunting sa (Talmud; Mishnah; Balaod ni Moises), nga nag-ingon nga ang nagtrabahong mga hayop dili pagabusalan ug nga ang (mga Levihanon, Netinim, saserdotehanong pamilya ni Aaron) nga nag-alagad sa templo nakadawat sa ilang bahin gikan sa halaran. [si-CV p. 213 par. 24]
27. Ang sulat ni Pablo ngadto sa mga taga-Galacia naghatag ug interpretasyon sa Isaias 54:1-6, nga nagpaila sa babaye ni Jehova ingong ang (yutan-ong Jerusalem; Jerusalem sa itaas; Bag-ong Jerusalem). (Gal. 4:21-26) [si-CV p. 219 par. 16]
28. Sa Efeso 1:10, ang “administrasyon” nagpunting sa (Mesiyasnong Gingharian; Nagamandong Lawas; paagi sa Diyos sa pagdumala sa mga kalihokan sa iyang panimalay). [si-CV p. 221 par. 8]
29. Ang (magtutuo sa Judaismo; klerong matang sa Kakristiyanohan; Dakong Babilonya) mahimong ilhon nga “ang tawo sa kalapasan” nga gihisgotan sa 2 Tesalonica 2:3. [Senemanang pagbasa sa Bibliya; tan-awa ang w90-CV 1/15 p. 18 par. 11.]
30. Kon ikaw may grabeng mga pagduhaduha bahin sa usa panahon sa panagtratohay, ang maalamong butang buhaton mao ang (pagtugot nga buntogon sa imong romantikong mga pagbati ang imong mga pagduhaduha; pagputol sa relasyon; pagpiyong sa imong mga mata sa grabeng mga sayop nga naglaom nga moarang-arang ang mga butang human sa kaminyoon). [fy-CV p. 23 par. 19]
Ipatukma ang mosunod nga mga kasulatan nganha sa mga pahayag nga gitala sa ubos:
Num. 16:3; 1 Cor. 10:11, 12; 2 Cor. 4:7; 2 Cor. 8:14; Jud. 1
31. Sa dihang unahon sa usa ka tawo ang Kristohanong ministeryo sa iyang kinabuhi, makasinati siya sa gahom nga hinatag-sa-Diyos. [Senemanang pagbasa sa Bibliya; tan-awa ang w90-CV 3/1 p. 29 par. 5.]
32. Angay natong patalinghogan ang pasidaang panig-ingnan sa mga Israelinhon ilalom kang Moises ug likayan ang pagsalig-sa-kaugalingon. [si-CV p. 213 par. 23]
33. Ang mahinatagong mga gasa gikan sa may ikasarang nga mga Kristohanon makatabang nga kahulipan ang mga panginahanglan niadtong anaa sa mga dapit nga wala kaayoy ikasarang, samtang ang kasibot ug pag-antos sa mga sinakit mahimong usa ka tuboran sa kalipay ug pagdasig sa mga tigdonar. [Senemanang pagbasa sa Bibliya; tan-awa ang w93-CV 12/15 p. 21 par. 20.]
34. Ang mga alagad ni Jehova angayng magtinguha sa paghupot sa usa ka mahigugmaon, matinabangong tinamdan ngadto sa usag usa; ang pagbagulbol makadaot sa maayong mga relasyon sa uban. [it-2-E p. 184 par. 6]
35. Kita kinahanglang magbantay nga dili mangitag pagkainila pinaagi sa pagpahimulos sa mga relasyon sa unod. [it-2-E p. 132 par. 1]