Mga Pahibalo
◼ Tanyag nga literatura sa Nobyembre: Ang Kahibalo nga libro sa ₱25.00. Disyembre: New World Translation nga Bibliya uban ang Kahibalo nga libro o ang Pulong sa Diyos nga libro sa ₱125.00. O ang brosyur nga Usa ka Basahon Alang sa Tanang Tawo mahimong itanyag uban ang Bibliya sa ₱107.50. Enero: Nahiusa sa Pagsimba sa Bugtong Matuod nga Diyos sa ₱25.00. Pebrero: Ang Sekreto sa Kalipay sa Pamilya sa ₱25.00. MATIKDI: Ang mga kongregasyon nga wala pa makapedido sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).
◼ Ang Sosyedad nagaplano sa paghikay ug paghubad para sa mga bungol sa Quezon City nga “Iya sa Diyos nga Dalan sa Kinabuhi” Distritong Kombensiyon sa Disyembre 18-20, 1998. Busa, bisan kinsang bungol nga mga tawo nga makasabot ug senyas nga pinulongan angayng motambong niini nga kombensiyon, sanglit walay paghubad sa bungol sa ubang mga kombensiyon.
◼ Palihog matikdi sa panid 6 niini nga Atong Ministeryo sa Gingharian nga ang mga petsa sa distritong mga kombensiyon sa Kalibo, Aklan ug Cabanatuan City gibalhin ngadto sa Enero 1-3, 1999, samtang ang didto sa Lucena City ug Tandag, Surigao Sur gibalhin ngadto sa Disyembre 25-27, 1998. Usab, ang kombensiyon sa Cagayan de Oro City karon himoon na sa Disyembre 18-20, 1998 inay sa Enero 1-3, 1999.
◼ Ang mga magmamantala nga nagaplano sa pag-oksilyare payunir sa Disyembre kinahanglang motunol sa ilang mga aplikasyon nga sayo aron ang mga ansiyano makahimog kinahanglanong mga kahikayan alang sa literatura ug teritoryo.
◼ Ang mga kahigayonan sa pagpanaw sa gawas sa nasod nahimong mas daling mabatonan sa di pa dugayng katuigan. Ingong resulta, daghan sa atong mga igsoon naghikay sa pagduaw sa ubang mga nasod. Kasagaran, sila mokontak sa mga sangang buhatan sa Sosyedad nga maghangyo ug impormasyon. Ang mga sangang buhatan malipay sa pagtaganag mga adres sa Kingdom Hall ug mga panahon sa panagkatigom aron makatabang sa pagkontak sa lokal nga mga kongregasyon. Usab, makahatag silag pagtultol bahin sa pagduaw sa sangang buhatan. Ang mga taho nagpakita, hinuon, nga daghang dugang mga pakisusi ang gihimo bahin sa mga kahikayan sa pagbiyahe, mga sak-anan, lokal nga mga adtoanan sa turista, ug susamang mga butang. Ang mga sangang buhatan wala masangkapi, ni sila may panahon, sa pagtaganag impormasyon niining matanga. Ang mga bisita gidasig sa pagkonsulta sa mga tinubdan sama sa mga ahente sa pagbiyahe, o mga opisina bahin sa turista nga normal nga nagtaganag impormasyon alang sa mga turista.
◼ Bag-ong Compact Disc nga Mabatonan:
Watchtower Library 1997 sa CD-ROM—Ingles
◼ Bag-ong Audiocassette nga Mabatonan:
Keep Your Eye Simple (Drama, usa ka cassette)—Ingles