Repaso sa Tunghaan sa Teokratikanhong Ministeryo

Serado-basahong pagsubli sa materyal nga nakobrehan diha sa mga asaynment sa Tunghaan sa Teokratikanhong Ministeryo para sa mga semana sa Septiyembre 7 hangtod sa Disyembre 21, 1998. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.

[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantaynaang Torre.]

Tubaga ang matag usa sa mosunod nga mga pahayag nga Matuod o Bakak:

1. Sa 2 Timoteo 1:​6, “ang gasa” nagtumong sa katakos sa pagsulti sa lainlaing pinulongan nga gihatag kang Timoteo pinaagi sa paglihok sa balaang espiritu sa Diyos. [1, Senemanang pagbasa sa Bibliya; tan-awa ang w85-CV 11/1 p. 16 par. 15.]

2. Ang usa ka hamtong nga Kristohanon ‘magbansay sa iyang mga gahom sa pagsabot sa pag-ila sa husto ug sayop’ pinaagi sa pagbatasan sa paggamit sa tanang kahibalo sa Pulong sa Diyos nga iyang nakat-onan. (Heb. 5:14) [4, Senemanang pagbasa sa Bibliya; tan-awa ang w85-CV 12/15 p. 9 par. 7.]

3. Bisan kon ang mga Saksi ni Jehova mahimong marehistro uban sa mga kagamhanan ingong usa ka relihiyosong asosasyon, ang awtorisasyon sa pagtuman sa matuod nga pagsimba dayag nga wala magagikan ni bisan kinsang tawo o bisan unsang tawhanong kagamhanan. [5, jv-CV p. 695 par. 5]

4. Si Santiago nga magsusulat sa Bibliya maoy samang tawo sa Santiago nga tigpamaba alang sa “mga apostol ug sa mga ansiyano” panahon sa desisyon sa pagtuli. (Buh. 15:​6, 13; Sant. 1:1) [7, si-CV p. 248 mga par. 2-3]

5. Bisan kon ang 1 Pedro 5:​13 nag-ingon nga si Pedro didto sa Babilonya sa dihang iyang gisulat ang iyang unang sulat, ang ebidensiya nagpaila nga ang ngalang Babilonya maoy tinagong pagkutlo sa Roma. [8, si-CV p. 251 par. 4]

6. Ang ekspresyong “ang antikristo moabot” sa 1 Juan 2:​18 nagtumong sa usa ka indibiduwal. [10, Senemanang pagbasa sa Bibliya; tan-awa ang rs-CV p. 39 par. 2.]

7. Ang panagbingkil nga naugmad ingong resulta sa mga pagbati ni Pablo kang Marcos, nga gihisgotan sa Buhat 15:​36-41, wala masulbad. [11, it-2 p. 320 par. 4]

8. Ang basahon sa Pinadayag gibutang sa kataposan sa Bibliya tungod kay kini ang kataposang basahong gisulat ni apostol Juan. [12, si-CV p. 263 par. 1]

9. Ang Pinadayag 13:​11-15 tukmang naghulagway kon sa unsang paagi ang Anglo-Amerikanong Gahom sa Kalibotan nahimong pangunang tigpasiugda ug maghahatag-kinabuhi sa Liga sa Kanasoran ug sa kapuli niini, ang Hiniusang Kanasoran. [16, Senemanang pagbasa sa Bibliya; tan-awa ang w88-CV 12/15 p. 19 par. 3.]

10. Ang sugo sa paghigugmaay sa usag usa, nga giingon sa Juan 13:​34, maoy “usa ka bag-ong sugo” tungod kay mas ulahi kana sa Moisesnong Kasugoan. [15, jv-CV p. 711 par. 3]

Tubaga ang mosunod nga mga pangutana:

11. Unsay ipasabot nga ang usa ka magtatan-aw kinahanglang dili “tigpangdapat”? (Tito 1:7) [2, Senemanang pagbasa sa Bibliya; tan-awa ang w90-CV 9/1 p. 27 par. 21.]

12. Giunsa nato pagkahibalo nga si Loida ug Eunice nagtudlo kang Timoteo gikan sa Kasulatan? [4, it-2-E p. 262 par. 9]

13. Unsay gipasabot ni Jesus sa dihang siya miingon, “Halad ug pahinungod wala nimo tinguhaa”? (Heb. 10:5) [5, Senemanang pagbasa sa Bibliya; tan-awa ang w96-CV 7/1 p. 14 par. 3.]

14. Unsaon sa mga Kristohanon ‘pagdaog ang kalibotan’? (1 Juan 5:⁠3, 4) [10, si-CV p. 258 par. 12]

15. Unsay nalangkit sa ekspresyon ni Pedro nga ‘kanunayng ginahuptan sa hunahuna ang adlaw ni Jehova’? (2 Ped. 3:12) [9, Senemanang pagbasa sa Bibliya; tan-awa ang w97-CV 9/1 p. 19 par. 2.]

16. Unsay naglakip sa kahinlo sa espiritu, ug sa unsang paagi kini motabang sa pagpanalipod sa pamilya sa usa? (2 Cor. 7:1) [10, fy-CV p. 46 par. 14]

17. Uyon sa Pinadayag 1:​7, sa unsang paagi kadtong midughang kang Jesus makakita kaniya nga “moanhi uban ang mga panganod”? [12, Senemanang pagbasa sa Bibliya; tan-awa ang w93-CV 5/1 p. 22 par. 7.]

18. Sa unsang paagi ang mabinantayong mga Kristohanon ‘magbantay sa ilang kaugalingon ug padayong magtukaw’? (Luc. 21:⁠34, 36) [16, jv-CV p. 714 par. 4]

19. Sa unsang paagi kadtong naglangkob sa usa ka matuod nga Kristohanong organisasyon karong adlawa midangat sa hustong pagsabot sa Pulong sa Diyos? [14, jv-CV p. 708 par. 3]

20. Unsang Kasulatanhong mga kinahanglanon ang kab-oton sa usa ka matuod nga Kristohanong organisasyon sa kataposang mga adlaw? [13, jv-CV p. 706 par. 3]

Itagana ang (mga) pulong o prase nga gikinahanglan sa pagkompleto sa matag usa sa mosunod nga mga pahayag:

21. Ang bana ug asawa kinahanglang ․․․․․․․․ sa usag usa, nga kanunayng ibutang sa hunahuna nga ․․․․․․․․ labawng importante kay sa panggawas nga panagway. [1, fy-CV p. 26 kahon sa pagrepaso]

22. Ang sulat ni Pablo sa mga Hebreohanon nagpakita nga ang lainlaing bahin sa ․․․․․․․․ nagmugna ug sumbanan nga gihimo sa Diyos nga mipunting sa unahan sa mas dagkong butang sa umaabot, nga tanan mosangko diha kang ․․․․․․․․, ang katumanan sa Kasugoan. [6, si-CV p. 247 par. 23]

23. Sa 2 Pedro 1:​5-8, girekomendar ni apostol Pedro ang ․․․․․․․․ sa pagtukod ug diyosnong mga hiyas nga mopugong kanato nga mahimong ․․․․․․․․. [9, si-CV p. 255 par. 9]

24. Sa dihang ang mga bana ug mga asawa makigkomunikar sa usag usa, ang ․․․․․․․․ mahinungdanon kaayo. [6, fy-CV p. 36 par. 21]

25. Si Maria nga inahan ni Jesus maoy gikan sa banay sa ․․․․․․․․ ug kaliwat ni David; pinaagi kaniya, si Jesus nagbaton sa katungod sa ․․․․․․․․ sa “trono ni David nga iyang Amahan.” (Luc. 1:32) [14, it-2 p. 346 par. 4]

Pilia ang hustong tubag sa matag usa sa mosunod nga mga pahayag:

26. Panahon sa unang pagkabilanggo ni Pablo sa Roma, si (Onesiforo; Onesimo; Onan), usa ka kagiw nga ulipon gikan sa panimalay ni (Felipe; Festo; Filemon), maoy lakip niadtong naminaw sa iyang pagwali. [2, si-CV p. 241 par. 2]

27. Ang (gugma; pagtahod; pagkamaabiabihon) gihubit ingong “paghatag ug konsiderasyon sa uban, nga magpasidungog kanila.” [3, fy-CV p. 30 par. 7]

28. Sa Lucas 14:​28, si Jesus nagsulti mahitungod sa (abanteng pagplano; dili pag-usik-usik ug salapi; paglikay sa paghulam ug salapi). [8, fy-CV p. 40 par. 4]

29. Ang “pagkaginoo” nga gihisgotan sa Judas 8 nagtumong sa (posisyon ni Jesus; soberanya ni Jehova; hatag-Diyos nga awtoridad sa Kristohanong kongregasyon). [11, si-CV p. 263 par. 9]

30. Sa Pinadayag 11:​11, ang “tulo ug tunga ka adlaw,” sa dihang ang dinihogang nanghibilin nakita ingong mga patay atubangan sa ilang mga kaaway, nagtumong sa (tulo ug tunga ka tuig; usa ka hamubong yugto sa panahon; tulo ug tunga ka bulan). [15, Senemanang pagbasa sa Bibliya; tan-awa ang re-CV p. 167 par. 21.]

Ipatukma ang mosunod nga mga kasulatan nganha sa mga pahayag nga gitala sa ubos:

Prov. 8:​30; Mat. 19:​13-​15; Heb. 2:​1; Sant. 4:​15; 1 Ped. 3:​4

31. Aron masumpo ang impluwensiya sa way-puas nga propaganda nga niana kita naladlad gikan niining kalibotana, kita angayng “mohatag ug labaw pa kay sa kasagarang pagtagad” sa Pulong sa Diyos pinaagi sa maayong mga batasan sa pagtuon ug maayong eskedyul sa pagbasa sa Bibliya. [3, Senemanang pagbasa sa Bibliya; tan-awa ang w98-CV 1/1 p. 7 par. 9.]

32. Bisan kanus-a nga kita magplano alang sa umaabot, angayng konsiderahon nato nga mainampoon kon sa unsang paagi kini mohaom sa katuyoan sa Diyos. [7, Senemanang pagbasa sa Bibliya; tan-awa ang w97-CV 11/15 p. 21 mga par. 10-11.]

33. Ang “malinawon ug malumong espiritu” sa usa ka Kristohanong asawa ug inahan dili lamang nagpahimuot sa iyang bana kondili labawng importante nagpahimuot sa Diyos. [8, Senemanang pagbasa sa Bibliya; tan-awa ang w89-CV 5/15 p. 19 par. 12.]

34. Sa pagsunod sa panig-ingnan ni Jehova, ang usa ka maayong amahan angayng maningkamot sa pag-ugmad ug usa ka mainiton, mahigugmaong relasyon uban sa iyang anak sukad sa pagsugod sa kinabuhi sa bata. [13, fy-CV p. 53 par. 7]

35. Sanglit si Jesus wala magpihig sa pagpanalangin sa mga bata, dili angayng isipon sa usa nga ang mga batang lalaki mas labaw sa mga batang babaye. [12, fy-CV p. 52 par. 4]