Mga Pahibalo

◼ Tanyag nga literatura sa Hunyo: Ang librong Kahibalo sa ₱25.00. Ang daandaang 192-panid nga mga libro mahimo usab nga itanyag kon nagtipun-og. Hulyo ug Agosto: Bisan hain sa mga brosyur sa ₱7.50. Septiyembre: Ang librong Kahibalo sa ₱25.00. Ang librong Life—How Did It Get Here? By Evolution or by Creation?, gamayng edisyon sa ₱40.00, dakong edisyon sa ₱75.00, mahimong itanyag ingong kapilian diin ang mga tawo nakabaton na ug librong Kahibalo. MATIKDI: Ang mga kongregasyon nga wala pa makaorder sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).

◼ Ang nagadumalang magtatan-aw o usa nga gitudlo niya kinahanglang mag-awdit sa mga kuwenta sa kongregasyon sa Hunyo 1, o sa labing madali human niana. Ipahibalo sa kongregasyon sa dihang kini nahimo na.

◼ Binulang mga Kuwentada sa Kuwenta: Ang pipila ka kongregasyon nagtaho nga wala makadawat sa ilang binulang mga kuwentada sa kuwenta sa hustong panahon. Among ginapadala ang mga kuwentada sulod sa unang semana sa matag bulan. Alang niadtong nagadawat ug mga suplay pinaagig serbisyong paghatod nga iya sa Sosyedad, ang kuwentada giapil uban sa suplay sa magasin sulod sa unang pagpadala matag bulan. Palihog susiha kini dihadiha, sanglit sagad adunay mga sirkular o ubang gipetsahang mga materyal diha sa sobre uban sa kuwentada. Kon kamo adunay suliran sa pagdawat sa inyong mga kuwentada, palihog pagsulat.

◼ Ang Sosyedad adunay suplay sa Ingles nga tinahing mga tomo sa The Watchtower sa mga tuig 1951 hangtod sa 1959, usab mga tomo sa The Watchtower ug Awake! sa mga tuig 1993 hangtod sa 1997. Aduna usab kitay mabatonang pipila sa 1996 ug 1997 nga mga Yearbook. Bisan kinsa sa mga magmamantala o bag-ong mga kongregasyon nga nagtinguha niini nga mga publikasyon mahimo na karong mohangyo niini pinaagi sa alagad sa literatura sa kongregasyon.

◼ Bag-ong mga Publikasyong Mabatonan:

T-23, Si Jehova—Kinsa Siya?—Bicol, Cebuano, Hiligaynon, Iloko, Pangasinan, Samar-Leyte, Tagalog

Gamayng-edisyong songbok, Mag-awit ug mga Pagdayeg Kang Jehova—Samar-Leyte