Mga Pahibalo
◼ Tanyag nga literatura sa Enero: Nahiusa sa Pagsimba sa Bugtong Matuod nga Diyos o bisan unsang ubang daandaang 192-panid nga mga libro. Kon walay mabatonan, ang librong Kahibalo mahimong itanyag. Pebrero: Ang librong Kalipay sa Pamilya. Marso: Kahibalo nga Motultol sa Kinabuhing Walay Kataposan. Abril ug Mayo: Indibiduwal nga mga kopya sa Ang Bantayanang Torre ug Pagmata! Pakuhaa ang interesadong mga tawo sa Gikinahanglan nga brosyur, ug paningkamot sa pagsugod ug mga pagtuon sa Bibliya sa balay. MATIKDI: Ang mga kongregasyon nga wala pa makahangyo sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).
◼ Ang mga kongregasyon angayng maghimog mga kahikayan sa pagsaulog sa Memoryal niining tuiga sa Miyerkoles, Abril 19, 2000, human sa pagsalop sa adlaw. Bisan tuod ang pakigpulong mahimong magsugod nga sayosayo pa, ang pagpasa sa mga emblema sa Memoryal kinahanglan nga dili sugdan hangtod human sa pagsalop sa adlaw. Bisan tuod maayo alang sa matag kongregasyon ang paghimog kaugalingong pagsaulog sa Memoryal niini, kini dili tingali kanunayng posible. Diin ubay-ubayng mga kongregasyon ang naandang nagagamit sa samang Kingdom Hall, tingali usa o dugang mga kongregasyon ang makagamit ug laing pasilidad sa maong gabii.
◼ Ang espesyal nga pahayag publiko alang sa 2000 nga panahon sa Memoryal ipahayag sa Dominggo, Abril 16. Ang ulohan sa pakigpulong maoy “Kon Nganong ang Katawhan Nagkinahanglan ug Usa ka Lukat.” Ang usa ka laraw igatagana alang sa mga mamumulong sa nahaigong panahon. Kadtong mga kongregasyon nga adunay duaw sa magtatan-aw sa sirkito, sirkitong asembliya, o adlawng espesyal nga asembliya nianang maong hinapos sa semana maghimo sa maong espesyal nga pakigpulong sa pagkasunod semana. Walay kongregasyon ang maghimo sa espesyal nga pakigpulong una pa sa Abril 16, 2000.
◼ Sanglit ang Abril ug Mayo maoy espesyal nga mga bulan sa magasin ug daghan ang makig-ambit diha sa buluhatong oksilyare payunir nianang panahona, ang magtatan-aw sa pag-alagad ug igsoong lalaki nga nagadumala sa mga magasin kinahanglang magtagad na karon sa paghangyo ug ekstrang mga magasin nga magamit sa kongregasyon. Palihog ipadala ang inyong mga hangyo aron kini moabot sa sangang buhatan sa dili pa ang Pebrero 1, 2000. Kini magseguro nga inyong madawat ang ekstrang mga magasin ug sa samang panahon ang inyong regular nga hangyo.
◼ Bag-ong mga Publikasyon nga Mabatonan:
Mag-awit ug mga Pagdayeg Kang Jehova—Bicol, Hiligaynon, Pangasinan
Tract T-24, Jesus Christ—Who Is He?—Bicol, Cebuano, Hiligaynon, Iloko, Pangasinan, Samar-Leyte, Tagalog
The Guidance of God—Our Way to Paradise—Ingles (brosyur nga linaing gidisenyo alang sa mga Muslim, sumala sa gisaysay sa panid 8 sa Nobyembre 1999 nga Atong Ministeryo sa Gingharian)