Repaso sa Tunghaan sa Teokratikanhong Ministeryo
Serado-basahong pagsubli sa materyal nga nakobrehan diha sa mga asaynment sa Tunghaan sa Teokratikanhong Ministeryo para sa mga semana sa Enero 3 hangtod sa Abril 17, 2000. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.
[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantayanang Torre.]
Tubaga ang matag usa sa mosunod nga mga pahayag nga Matuod o Bakak:
1. Usahay kinahanglang maghulat kita aron madawat ang mga panalangin ni Jehova, kay si Jehova nasayod sa atong kahimtang ug nagtagana sa matag panginahanglan kon kini labing makaayo kanato. (Sal. 145:16; Sant. 1:17) [w98-CV 1/1 p. 23 par. 6]
2. Ang presensiya lamang sa arka sa pakigtugon wala maggarantiya ug kalamposan alang sa mga Israelinhon. Ang mga panalangin ni Jehova nagadepende sa espirituwal nga baroganan ug matinumanong pagsugot niadtong nagahupot sa arka. (Jos., kap. 7) [Senemanang pagbasa sa Bibliya; tan-awa ang it-1 p. 167 par. 2.]
3. Kita karon mapalig-on sa espirituwal pinaagi lamang sa pagbasa sa mga pahayag ni Jehova. (Deut. 8:3) [Senemanang pagbasa sa Bibliya; tan-awa ang w85-CV 6/15 p. 17 mga par. 15, 17.]
4. Ang prinsipyo nga gipasiugda sa Moisesnong Balaod sa Deuteronomio 23:20 nagpakita nga dili mahigugmaon alang sa usa ka Kristohanon nga mangayog tubo sa dihang magpahulam ug salapi. [Senemanang pagbasa sa Bibliya; tan-awa ang it-1 p. 1212 mga par. 5-6; it-2 p. 259 par. 12; w86-CV 10/15 p. 12 par. 9.]
5. Ang masanagong taho ni Josue ug Caleb gipasukad sa ilang hugot nga pagtuo sa kalig-on ug determinasyon sa mga Israelinhon sa pagbuntog sa bisan unsang mga kababagan nga magpugong sa ilang pagpanag-iya sa Yutang Saad. (Num. 13:30) [w98-CV 2/1 p. 5 par. 4]
6. Sa paghisgot sa “ang gasa” sa 1 Timoteo, si Pablo nagpahinumdom kang Timoteo sa iyang pagkadinihogan sa balaang espiritu ug sa langitnong ganti nga naghulat kaniya. (1 Tim. 4:14) [w98-CV 2/15 p. 25 par. 1]
7. Ang basahon ni Josue wala magtaganag bisan unsang kalangkitan diha sa talaan nga mitultol ngadto sa pagpatungha sa Binhi sa Gingharian. [si-CV p. 46 par. 24]
8. Ang basahon sa Maghuhukom maoy talaan sa mga lalaking gipili ug gitudlo sa Israel sa pagmando sa nasod sa wala pa ang yugto sa panahon sa mga hari. [si-CV p. 46 par. 2]
9. Ang hangyo ni Gideon, sumala sa gihubit sa Maghuhukom 6:37-39, nagpakita nga siya sobra ka mainampingon ug matahapon. [Senemanang pagbasa sa Bibliya; tan-awa ang w88-CV 4/1 p. 30 par. 6.]
10. Pinaagi sa pagtudlo sa iyang mga tinun-an sa ‘dili paggakos sa pagpangomosta ni bisan kinsa diha sa dalan,’ si Jesus nagpasiugda sa kadinalian sa buluhatong pagsangyaw ug sa panginahanglan sa paghatag ug bug-os nga pagtagad alang niining hinungdanon kaayong asaynment. (Luc. 10:4) [w98-CV 3/1 p. 30 par. 5]
Tubaga ang mosunod nga mga pangutana:
11. Nganong hinungdanon man nga ang mga pulong ni Jehova maanaa sa mga kasingkasing sa mga ginikanan? (Deut. 6:5, 6) [Senemanang pagbasa sa Bibliya; tan-awa ang w98-CV 6/1 p. 20 par. 4.]
12. Sa unsang paagi mapadapat sa ulo sa pamilya ang prinsipyo nga gipahayag sa Deuteronomio 11:18, 19? [Senemanang pagbasa sa Bibliya; tan-awa ang fy-CV p. 70 par. 14.]
13. Unsay timailhan ang anaa sa Kasulatan nga ang layas nga ulipon nga si Onesimo lagmit nakig-uban na kang apostol Pablo sa pipila ka panahon sa wala pa mosulat si Pablo kang Filemon? [w98-CV 1/15 p. 30 par. 2]
14. Kon atong makita ang mga inhustisya o makaagom niini sa atong kaugalingon, unsay atong mahimo aron malikayan nga maugmad ang malugdahon o mangiobong tinamdan? [w98-CV 2/1 p. 6 mga par. 2-3]
15. Sa unsang paagi si Josue ug Gideon nagpakitag hataas nga pagtamod sa balaod sa Diyos? (Deut. 20:8, 15-18) [si-CV p. 41 par. 32]
16. Sa unsang paagi ang mga panghitabo nga gihubit sa Josue 10:10-14 susama sa kon unsay madahom sa Armagedon? [Senemanang pagbasa sa Bibliya; tan-awa ang w86-CV 12/15 p. 23 par. 12–p. 24 par. 14.]
17. Nganli ang tulo ka kaayohan sa sinserong pagdayeg alang sa maayong panggawi. (Itandi ang Proverbio 15:23.) [w98-CV 2/1 p. 31 mga par. 5-6]
18. Uyon sa Josue 20:4, sa unsang paagi ang usa makakalagiw ngadto sa antitipikong siyudad nga dalangpanan? [Senemanang pagbasa sa Bibliya; tan-awa ang w86-CV 12/15 p. 24 par. 16.]
19. Giunsa pagpaila sa Maghuhukom 5:31 nga ang kadaogan ni Maghuhukom Barak batok sa labawng mga puwersa ni Sisera sa walog sa Kison may dakong kahulogan sa atong adlaw? [Senemanang pagbasa sa Bibliya; tan-awa ang w86-CV 2/15 p. 21 par. 4.]
20. Sa unsang paagi atong ikapakita ang pagtahod alang sa lintunganayng prinsipyo sa ekspresyong “nagbarog ang matag usa kanila diha sa iyang dapit,” sumala sa natala sa Maghuhukom 7:21? [Senemanang pagbasa sa Bibliya; tan-awa ang w82-CV 6/1 p. 25 par. 17.]
Itagana ang (mga) pulong o prase nga gikinahanglan sa pagkompleto sa matag usa sa mosunod nga mga pahayag:
21. Aron masinati nga mas bug-os pa ang panalangin ni Jehova, kinahanglang ipadayon nato ang ․․․․․․․ ug mangaliyupo kang Jehova nga tabangan kita sa ․․․․․․․ sa mga pagtulon-an diha sa iyang dinasig nga Pulong. (1 Tim. 4:8, 9) [w98-CV 1/1 p. 24 par. 6]
22. Ang pag-ulog-ulog dili gayod makapahimuot kang Jehova tungod kay kana gipalihok sa ․․․․․․․, kana dili ․․․․․․․ni ․․․․․․․, ug labaw sa tanan, kana ․․․․․․․. [w98-CV 2/1 p. 30 mga par. 2-3]
23. Ang ngalang Josue nagkahulogang ․․․․․․․, ug siya maoy usa ka matagnaong hulagway ni ․․․․․․․. [si-CV p. 42 par. 5]
24. Uyon sa ilustrasyon ni Jesus sa Mateo 7:24-27, ang maalamong mga ginikanan makatabang sa ilang mga anak nga mobarog sa samag-unos nga mga pagpit-os pinaagi sa paghatag kanilag ․․․․․․․ nga motabang kanila sa pagpabiling ․․․․․․․. [w98-CV 2/15 p. 9 par. 1]
25. Ang makasaysayanhong talaan diha sa basahon sa Maghuhukom nagkobre sa kinatibuk-ang yugto sa panahon gikan sa pagkamatay ni ․․․․․․․ hangtod sa panahon ni ․․․․․․․, nga mikobreg mga ․․․․․․․ ka tuig. [si-CV p. 47 par. 5]
Pilia ang hustong tubag sa matag mosunod nga mga pahayag:
26. Ang paghimog mga paagi maylabot sa pagpanghatag sa kabtangan sa usa ka tawo engkasog mamatay maoy (kongregasyonal nga butang; personal nga butang; kinahanglanon sa matuod nga mga Kristohanon). (Gal. 6:5) [w98-CV 1/15 p. 19 par. 6]
27. Gidasig ni Pablo si Filemon nga dawaton si (Onam; Oniseforo; Onesimo) nga maluloton apan wala gamita ang apostolikanhong awtoridad sa pagmando kaniya sa pagbuhat sa ingon o sa paghatag ug kagawasan sa iyang ulipon. (Filem. 21) [w98-CV 1/15 p. 31 par. 1]
28. Ang dakong kakulangan nga gipasabot sa asoy bahin sa mga sanlahon nga giayo ni Jesus mao ang ilang (kawalay-pagtuo; pagkadi-masinugtanon; pagkaingrato). (Luc. 17:11-19) [w98-CV 2/15 p. 5 par. 1]
29. Sanglit giuyonan sa Diyos ang dalan ni Rahab, ang iyang mga pulong ngadto sa mga lalaki sa Jerico nga nanagpangita sa Israelinhong mga espiya nagpaila nga (kon kaha mamakak maoy personal nga desisyon; ang usa dili obligado sa pagtug-an sa matuod nga impormasyon ngadto kanilang walay katungod niana; siya wala pa mag-usab sa tanan niyang kalibotanong dalan). (Jos. 2:3-5; itandi ang Roma 14:4.) [Senemanang pagbasa sa Bibliya; tan-awa ang w93-CV 12/15 p. 25 par. 1.]
30. Sumala sa narekord sa Juan 13:5, ang praktikal nga leksiyon nga gihatag ni Jesus nagpasiugda sa (kamaluloton; empatiya; kamapainubsanon), nga maghimo sa usa nga makiling sa pagbuhat sa kinaubsang buluhaton alang sa uban. [w98-CV 3/15 p. 7 par. 6]
Ipatukma ang mosunod nga mga kasulatan nganha sa mga pahayag nga gitala sa ubos:
Deut. 7:3, 4; 17:7; 25:11, 12; 28:3; Jer. 15:20
31. Ang hataas nga pagtamod sa Maglalalang sa mga organo sa pagsanay angayng mag-impluwensiya sa desisyon nga himoon sa usa ka Kristohanon maylabot sa nahiangayng mga metodo sa pagplano sa pamilya. [Senemanang pagbasa sa Bibliya; tan-awa ang w99-CV 6/15 p. 28 mga par. 1-4.]
32. Kita makasalig sa pagpaluyo ni Jehova kon atong tumanon ang atong buluhaton sa pagsangyaw sa maayong balita sa Gingharian sa Diyos. [w98-CV 3/1 p. 28 par. 1]
33. Ang pagpamati sa pasidaan sa Bibliya magluwas kanato gikan sa masakit nga mga sangpotanan nga kasagarang moresulta kon ang usa ka Kristohanon makigyugo uban sa dili-magtutuo. [Senemanang pagbasa sa Bibliya; tan-awa ang w89-CV 11/1 p. 20 par. 11.]
34. Ang pagtagamtam sa mga panalangin sa Diyos dili magadepende kon asa tingali kita magpuyo o mag-alagad o kon unsang asaynment ang tingali atong mahuptan diha sa pag-alagad sa Diyos. [Senemanang pagbasa sa Bibliya; tan-awa ang w96-CV 6/15 p. 15 par. 15.]
35. Ingong awtoridad alang sa iyang mga instruksiyon sa 1 Corinto kapitulo 5 bahin sa pagpalagpot, gikutlo ni Pablo ang Balaod ni Jehova. [Senemanang pagbasa sa Bibliya; tan-awa ang si-CV p. 213 par. 24.]