Mga Pahibalo

◼ Tanyag nga literatura sa Mayo: Indibiduwal nga mga kopya sa Ang Bantayanang Torre ug Pagmata! Pakuhaa ang interesadong mga tawo sa Gikinahanglan nga brosyur, ug paninguhang makasugod ug mga pagtuon sa Bibliya sa balay. Hunyo: Itanyag ang Gikinahanglan nga brosyur uban ang tumong sa pagsugod ug mga pagtuon sa Bibliya sa balay. Hulyo ug Agosto: Mahimong itanyag ang bisan hain sa mga brosyur. Bisan pa niana, sanglit kita adunay daghang suplay sa brosyur nga, Usa ka Basahon Alang sa Tanang Tawo, among dasigon ang mga kongregasyon nga mag-order niini aron magamit sulod niining duha-ka-bulan nga kampanya. Ang mga kongregasyon nga wala pa makahangyo sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Request Form (S-AB-14).

◼ Ang nagadumalang magtatan-aw o usa nga iyang itudlo kinahanglang mag-awdit sa mga kuwenta sa kongregasyon sa Hunyo 1 o sa di madugay human gayod niana. Sa dihang mahimo na kini, ipahibalo sa kongregasyon human nga mabasa ang sunod nga taho sa mga kuwenta.

◼ Kami nagpadala uban sa inyong binulan nga kuwenta sa Abril ug “Special Order Blank for Forms.” Palihog tinoa ang gidaghanon sa mga porma nga inyong gikinahanglan sa sunod nga tuig sa pag-alagad sugod sa Septiyembre ug dayon ipadala ang inyong order. Ang tanang order niining mga pormaha kinahanglang madawat sa sangang buhatan sa dili pa ang Agosto 31, 2000. Kining mga pormaha mabatonan nga walay tinong kantidad, apan sa walay duhaduha ang mga kongregasyon buot maghimog makataronganong amot alang sa tibuok-kalibotang buluhaton aron sa pagtabang sa pagpatik ug pagpadala sa mga porma. Importante: Seguroha nga ilakip ang inyong order sa mga lapel badge card alang sa distritong kombensiyon diha sa orderanang porma aron kini among ikapadala kaninyo inigkapatik na niini.

◼ Bag-ong Videocassette nga Mabatonan:

Young People Ask​—How Can I Make Real Friends?​—Ingles

◼ Bag-ong Tract nga Mabatonan:

Jesus Christ​—Who is He?​—Ingles