Mga Pahibalo
◼ Tanyag nga literatura sa Nobyembre: Ang pagpang-apod-apod sa Kingdom News Num. 36 ipadayon. Ang mga kongregasyon nga makahuman na sa ilang teritoryo pinaagig pagtunol sa mga tagbalay sa matag puy-anan ug usa ka kopya sa Kingdom News Num. 36 mahimong motanyag sa librong Kahibalo o sa brosyur nga Gikinahanglan. Kon ang mga tawo aduna na niini, ang librong Mabuhing Walay Kataposan o ang librong Creation mahimong gamiton. Disyembre: Ang brosyur nga Usa ka Basahon Alang sa Tanang Tawo itanyag duyog sa New World Translation of the Holy Scriptures. Enero: Bisan unsang daandaang 192-panid nga mga libro mahimong itanyag. Kon ang mga kongregasyon walay estak sa bisan hain niini, ang librong Kalipay sa Pamilya mahimong itanyag. Pebrero: Life—How Did It Get Here? By Evolution or by Creation? Diin ang Iningles dili komon nga gigamit, ang librong Kalipay sa Pamilya mahimong puli nga itanyag.
◼ Bisan tuod ang pasukip niini nga Atong Ministeryo sa Gingharian pagahisgotan sa Mga Tigom sa Pag-alagad niining bulana, maayong gamiton ang 15 minutos diha sa kataposan nga Tigom sa Pag-alagad sa dili pa motambong sa inyong kombensiyon aron sublion ang tukma nga tambag gikan niini nga pasukip. Nianang panahona, dasiga ang tanan sa paggugol ug pipila ka minutos sa pagsusi sa pinatik nga programa sa dili pa ang matag sesyon sa buntag ug hapon mosugod ug paabota kon unsay pagahisgotan. Kini magpasayon sa pagsentro sa pagtagad diha sa programa ug sa pagkuhag mubo apan makahuloganong mga nota.
◼ Ang Sosyedad nagaplano nga hikayon ang paghubad para sa mga bungol didto sa Quezon City nga “Mga Magtutuman sa Pulong sa Diyos” Distritong Kombensiyon sa Disyembre 8-10, 2000. Kini ipahigayon nga dungan sa Ingles nga kombensiyon sa maong petsa. Bisan kinsang bungol nga mga tawo nga makasabot ug senyas nga pinulongan angayng motambong niini nga kombensiyon, sanglit walay paghubad para sa bungol sa ubang mga kombensiyon.
◼ Ang nagadumalang magtatan-aw o usa nga iyang itudlo kinahanglang mag-awdit sa mga kuwenta sa kongregasyon sa Disyembre 1 o sa dili madugay nga maarangan human niana. Ipahibalo sa kongregasyon sa dihang kini nahuman na.
◼ Human makompleto ang kampanya sa Kingdom News, ang mga kongregasyon nga aduna pa gihapon ing suplay sa Kingdom News Num. 36 mahimong magdasig sa mga magmamantala sa pagtanyag niini sa samang paagi sa ilang pagtanyag ug mga tract—kaha sa pamalaybalay o bisan asa. Kon angay, ang mga magmamantala mahimong magbilin ug usa ka kopya sa matag balay nga walay tawo, nga seguroon nga kini dili makita sa mga lumalabay. Ang mga paningkamot kinahanglang himoon sa pag-apod-apod sa tanang nahibiling mga kopya niining hinungdanong mensahe.
◼ Bag-ong mga Compact Disc nga Mabatonan:
Watchtower Library—1999 Edition sa CD-ROM
Kingdom Melodies No. 9 diha sa compact disc