Repaso sa Tunghaan sa Teokratikanhong Ministeryo
Serado-basahong pagsubli sa materyal nga nakobrehan diha sa mga asaynment sa Tunghaan sa Teokratikanhong Ministeryo para sa mga semana sa Septiyembre 4 hangtod sa Disyembre 18, 2000. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.
[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantayanang Torre.]
Tubaga ang matag usa sa mosunod nga mga pahayag nga Matuod o Bakak:
1. Gipugngan ni David si Abisai sa pagpatay kang Simei tungod kay si David sad-an sa mga sumbong nga gipasaka ni Simei batok kaniya. (2 Sam. 16:5-13) [Senemanang pagbasa sa Bibliya; tan-awa ang w99-CV 5/1 p. 32 par. 3.]
2. Ang hinlo, hustong pagkabansay nga tanlag dili lamang mosangpot sa mainiton, personal nga relasyon uban sa Diyos kondili hinungdanon usab sa atong kaluwasan. (Heb. 10:22; 1 Ped. 1:15, 16) [w98-CV 9/1 p. 4 par. 4]
3. Ang asoy sa 1 Hari aduna lamay diyutayng makasaysayanhong bili alang sa usa ka Kristohanon tungod kay 2 lamang sa 14 ka hari nga nagmando sa Israel ug Juda human sa kamatayon ni Solomon ang milampos sa pagbuhat kon unsay husto sa mga mata ni Jehova. [si-CV p. 64 par. 1]
4. Ang Usa ka Libo ka Tuig nga Pagmando ni Jesus ikatandi sa malinawon ug malamboong 40 ka tuig nga pagmando ni Solomon. (1 Hari 4:24, 25, 29) [Senemanang pagbasa sa Bibliya; tan-awa ang w90-CV 6/1 p. 6 par. 5.]
5. Ang haom nga paglubong ni Abias maoy tin-awng pamatuod nga siya maoy matinumanong magsisimba ni Jehova, ang bugtong tawo gikan sa balay ni Jeroboam. (1 Hari 14:10, 13) [Senemanang pagbasa sa Bibliya; tan-awa ang w95-CV 4/1 p. 12 par. 11.]
6. Ang pagpailalom sa Kristohanong bawtismo nagpakita nga ang usa nahimong hamtong nga alagad sa Diyos. [w98-CV 10/1 p. 28 par. 2]
7. Si Jehova naghatag ug gahom kang Elias uban ang labaw-tawhanong kaisog ug naghimo kaniya nga dili mahadlok. (1 Hari 18:17, 18, 21, 40, 46) [Senemanang pagbasa sa Bibliya; tan-awa ang w98-CV 1/1 p. 31 par. 2.]
8. Ang templo ni Solomon maoy talagsaong gambalay dili lamang tungod sa himaya ug materyal nga katahom niini kondili tungod kay naglandong kini sa mas mahimayaong espirituwal nga templo ni Jehova. [si-CV p. 69 par. 26]
9. Ang pagkabuta nga naagoman sa kasundalohang Siryanhon tungod sa pag-ampo ni Eliseo lagmit maoy pagkabuta sa hunahuna tungod kay nakita nila si Eliseo apan wala makaila kon kinsa siya. (2 Hari 6:18, 19) [Senemanang pagbasa sa Bibliya; tan-awa ang si-CV p. 70-1 par. 10.]
10. Ang pagbutang sa “Pamatuod,” nga gihisgotan sa 2 Hari 11:12, maoy usa ka simbolikong lihok nga nagpakitang ang interpretasyon sa hari sa Balaod sa Diyos maoy pangataposan ug kinahanglang sundon. [Senemanang pagbasa sa Bibliya; tan-awa ang w91-CV 2/1 p. 31 par. 6.]
Tubaga ang mosunod nga mga pangutana:
11. Uyon sa 1 Juan 2:15-17, unsay angayng iawhag sa diyosnong mga ginikanan sa ilang mga anak nga likayan sa dihang magagiya kanila sa pagpili sa tukmang sekular nga trabaho? [w98-CV 7/15 p. 5 par. 2]
12. Unsay gipasabot sa 2 Samuel 18:8, nga nag-ingon: “Ang katawhan nga gilamoy sa lasang mas daghan pa kay sa gilamoy sa espada”? [Senemanang pagbasa sa Bibliya; tan-awa ang w87-CV 3/15 p. 31 par. 2.]
13. Kinsa karon ang ikatandi sa mga kabanay ni Goliat, ang Refaim, ug unsay ilang gipaningkamotang buhaton? (2 Sam. 21:15-22) [Senemanang pagbasa sa Bibliya; tan-awa ang w89-CV 1/1 p. 20 par. 8.]
14. Unsa ang mapuslanong prinsipyo sa Bibliya nga atong makat-onan sa 2 Samuel 6:6, 7? [si-CV p. 63 par. 30]
15. Unsang hinungdanong prinsipyo ang makat-onan gikan sa hitabo maylabot sa tawo nga gipatay tungod sa paglapas sa Igpapahulay? (Num. 15:35) [w98-CV 9/1 p. 20 par. 2]
16. Pinaagi sa pagbuhat sa unsa nga atong masundog ang rayna sa Sheba, nga mipanaw ug layong distansiya aron maminaw sa “kaalam ni Solomon”? (1 Hari 10:1-9) [Senemanang pagbasa sa Bibliya; tan-awa ang w99-CV 7/1 p. 31 par. 1-2.]
17. Sumala sa 1 Hari 17:3, 4, 7-9, 17-24, diha sa unsang tulo ka paagi nga gipakita ni Elias ang pagtuo kang Jehova? [Senemanang pagbasa sa Bibliya; tan-awa ang w92-CV 4/1 p. 19 par. 5.]
18. Nganong ang pagdumili ni Nabot sa paghatag sa iyang parasan ngadto kang Ahab dili kay basta pagpakita lamang sa pagkagahian sa iyang bahin? (1 Hari 21:2, 3) [Senemanang pagbasa sa Bibliya; tan-awa ang w97-CV 8/1 p. 13 par. 18.]
19. Sa unsang paagi ang mga pulong sa 2 Hari 6:16 nagsilbing pagdasig sa mga alagad ni Jehova karon? [Senemanang pagbasa sa Bibliya; tan-awa ang w98-CV 6/15 p. 18 par. 5.]
20. Sa unsang mga paagi ang tinuod nga mga Kristohanon karon kinahanglang magbantay batok sa simoniya? [w98-CV 11/15 p. 28 par. 5]
Itagana ang (mga) pulong o prase nga gikinahanglan sa pagkompleto sa matag usa sa mosunod nga mga pahayag:
21. Ang tinuod nga Kristohanon dili gayod magpadala sa ․․․․․․․․ ug unya moapil sa mga kostumbre nga dili makapahimuot sa ․․․․․․․․. (Prov. 29:25; Mat. 10:28) [w98-CV 7/15 p. 20 par. 5]
22. Sa pagsangyaw atubangan ni Haring Agripa, si Pablo migamit ug ․․․․․․․․, nga nagpasiugda sa mga puntos nga ․․․․․․․․ niya ug ni Agripa. (Buh. 26:2, 3, 26, 27) [w98-CV 9/1 p. 31 par. 3]
23. Tungod kay ang Diyos ․․․․․․․․, ang uban mibati nga siya dili persona, apan ang makanunayon ug taas nga yugto sa ․․․․․․․․ magpaarang sa usa ka tawo nga ‘makita ang Usa nga dili makita.’ (Heb. 11:27) [w98-CV 9/15 p. 21 par. 3-4]
24. Segun sa makita sa kahimtang sa Siryanhong heneral nga si ․․․․․․․․, usahay dagkong kaayohan ang maangkon gumikan lamang sa diyutayng ․․․․․․․․. [Senemanang pagbasa sa Bibliya; tan-awa ang w99-CV 2/1 p. 3 par. 6–p. 4 par. 1.]
25. Sama nga ang kasingkasing ni Jehonadab midapig kang Haring Jehu, ang ․․․․․․․․ karon sa kinasingkasing miila ug mitabang sa Dakong Jehu, si ․․․․․․․․, nga gihawasan sa yuta pinaagi sa ․․․․․․․․. (2 Hari 10:15, 16) [Senemanang pagbasa sa Bibliya; tan-awa ang w98-CV 1/1 p. 13 par. 5-6.]
Pilia ang hustong tubag sa matag usa sa mosunod nga mga pahayag:
26. Si (Satanas; Jehova; Joab) ang nagyudyod kang David sa pagpakasala pinaagi sa ‘pag-ihap sa Israel.’ (2 Sam. 24:1) [Senemanang pagbasa sa Bibliya; tan-awa ang w92-CV 7/15 p. 5 par. 2.]
27. Uyon sa 1 Hari 8:1 ug Ecclesiastes 1:1, gitigom ni Solomon ang mga tawo aron sa (pagtukod sa templo; paggukod sa mga kaaway sa Israel; pagsimba kang Jehova). [Senemanang pagbasa sa Bibliya; tan-awa ang si-CV p. 112 par. 3.]
28. Ang 20 ka tuig nga yugto nga gitukod ni Solomon ang templo ug ang iyang balay sa Jerusalem ikatandi sa yugto sa doktrinal ug organisasyonal nga pagpasibo pag-usab nga nagsugod sa (1919; 1923; 1931) ug natapos sa (1938; 1942; 1950). (1 Hari 9:10) [Senemanang pagbasa sa Bibliya; tan-awa ang kahon sa p. 20 sa w92-CV 3/1.]
29. Ang terminong “mga langit” sumala sa paggamit sa 2 Hari 2:11 nagtumong sa (espirituwal nga puy-anan sa Diyos; pisikal nga uniberso; atmospera sa yuta, diin ang mga langgam molupad ug ang hangin mohuros). [Senemanang pagbasa sa Bibliya; tan-awa ang kahon sa p. 15 sa w97-CV 9/15.]
30. Si (Herodes nga Bantogan; Agosto Cesar; Tiberio Cesar) mao ang nagsugo sa pagsenso nga misangpot sa pagkahimugso ni Jesus sa Betlehem inay kay sa Nasaret. [w98-CV 12/15 kahon sa p. 7]
Ipatukma ang mosunod nga mga kasulatan nganha sa mga pahayag nga gitala sa ubos:
Sal. 15:4; 2 Sam. 12:28; 2 Sam. 15:18-22; 2 Hari 3:11; Col. 3:13
31. Ang pagkaulo diha sa teokratikanhong kahikayan ni Jehova kinahanglang tahoron. [si-CV p. 63 par. 30]
32. Ang pagkamaunongon sa organisasyon ni Jehova ug sa mga hawas niini kinahanglang mentinahon. [si-CV p. 63 par. 30]
33. Ang pagpabili sa kaluoy ni Jehova makapalihok sa usa sa pagpugong ug pagtabon sa mga kasaypanan. [w98-CV 11/1 p. 6 par. 3]
34. Usa ka pribilehiyo ang pagpakitag pagkamaabiabihon ug pag-alagad nga mapaubsanon sa matinumanong mga alagad ni Jehova nga anaa sa espesyal nga pag-alagad. [Senemanang pagbasa sa Bibliya; tan-awa ang w97-CV 11/1 p. 30 par. 8.]
35. Ang mahinadlokon-sa-Diyos nga tawo maningkamot pag-ayo sa pagtuman sa iyang saad sa pagbayad sa iyang mga utang, bisan kon ang wala-damhang mga kahimtang naghimo niining mas lisod kay sa gidahom. [w98-CV 11/15 p. 26 par. 7]