Mga Pahibalo

◼ Tanyag nga literatura sa Enero: Bisan unsang daandaang 192-panid nga mga libro mahimong itanyag. Kon ang mga kongregasyon walay bisan unsa niini nga estak, ang librong Kalipay sa Pamilya mahimong itanyag. Pebrero: Life​—How Did It Get Here? By Evolution or by Creation? Diin ang Ingles dili komon nga gigamit, ang librong Kalipay sa Pamilya mahimong maoy itanyag. Marso: Ang librong Kahibalo ipasiugda uban sa paningkamot sa pagsugod ug mga pagtuon sa Bibliya sa balay. Abril ug Mayo: Indibiduwal nga mga kopya sa Ang Bantayanang Torre ug Pagmata! Pakuhaa ang interesadong mga tawo sa brosyur nga Gikinahanglan, ug panlimbasog sa pagsugod ug mga pagtuon sa Bibliya sa balay.

◼ Ang mga kongregasyon angayng maghimog mga kahikayan sa pagsaulog sa Memoryal niining tuiga sa Dominggo, Abril 8, 2001, human sa pagsalop sa adlaw. Bisan tuod ang pakigpulong mahimong magsugod nga sayosayo pa, ang pagpasa sa mga emblema sa Memoryal kinahanglan nga dili sugdan hangtod human sa pagsalop sa adlaw. Bisan tuod maayo alang sa matag kongregasyon ang paghimog kaugalingong pagsaulog sa Memoryal, hayan dili kini kanunayng posible. Diin ubay-ubayng mga kongregasyon ang naandang nagagamit sa samang Kingdom Hall, tingali usa o dugang mga kongregasyon ang makagamit ug laing pasilidad sa maong gabii.

◼ Ang espesyal nga pakigpulong publiko sa 2001 nga panahon sa Memoryal ipahayag sa Dominggo, Abril 1, 2001. Kini nag-ulohang “Kinsa ang Maluwas?” Ang usa ka laraw itagana alang sa mga mamumulong sa igong panahon. Kadtong mga kongregasyon nga adunay duaw sa magtatan-aw sa sirkito, sirkitong asembliya, o adlawng espesyal nga asembliya nianang maong hinapos sa semana maghimo sa maong espesyal nga pakigpulong sa pagkasunod semana. Walay kongregasyon ang maghimo sa espesyal nga pakigpulong una pa sa Abril 1, 2001.

◼ Sanglit ang Abril ug Mayo maoy espesyal nga mga bulan sa magasin ug daghan ang makig-ambit diha sa buluhatong oksilyare payunir nianang panahona, ang magtatan-aw sa pag-alagad ug igsoong lalaki nga nagadumala sa mga magasin kinahanglang magtagad na karon sa pag-order ug ekstrang mga magasin nga magamit sa kongregasyon sulod sa maong mga bulan. Palihog ipadala ang inyong espesyal nga mga order aron moabot kini sa sangang buhatan nga dili maulahi sa Pebrero 1, 2001. Kini magseguro nga inyong madawat ang ekstrang mga magasin nga dungan sa inyong regular nga order.

◼ Bag-ong Brosyur nga Mabatonan:

Jehovah’s Witnesses​—Who Are They? What Do They Believe?​—Ingles lamang (Kini nga brosyur maoy kapuli sa Jehovah’s Witnesses in the Twentieth Century)

◼ Bag-ong Audiocassette nga Mabatonan:

Kingdom Melodies Num. 9