Mga Pahibalo
◼ Tanyag nga literatura sa Marso: Ang librong Kahibalo ipasiugda uban ang paningkamot nga makasugod ug mga pagtuon sa Bibliya sa balay. Abril ug Mayo: Indibiduwal nga mga kopya sa Ang Bantayanang Torre ug Pagmata! Kon sa mga pagbalikduaw makita ang interes, ang mga suskrisyon mahimong itanyag. Pakuhaa ang interesadong mga tawo sa librong Kahibalo o brosyur nga Gikinahanglan, ug panlimbasogi nga makasugod ug mga pagtuon sa Bibliya sa balay. Hunyo: Ang librong Kahibalo o ang brosyur nga Gikinahanglan uban ang paningkamot nga makasugod ug mga pagtuon sa Bibliya sa balay.
◼ Sugod sa Abril, ang mga magtatan-aw sa sirkito mohatag sa pakigpulong publiko nga nag-ulohang “Tawhanong Pagmando—Gitimbang sa Timbangan” sa dihang magaduaw sa mga kongregasyon.
◼ Ang mga magmamantala nga buot mag-alagad ingong mga oksilyare payunir sa Abril ug Mayo angayng maghimo sa ilang mga plano karon ug itunol ang ilang mga aplikasyon nga sayo. Makatabang kini sa mga ansiyano sa paghimog kinahanglanong mga kahikayan sa pag-alagad sa kanataran ug pagbaton ug igong mga magasin ug ubang mabatonang literatura nga ilang magamit. Ang mga ngalan sa tanang naaprobahan sa pag-oksilyare payunir kinahanglang ipahibalo sa kongregasyon.
◼ Ang Memoryal himoon sa Dominggo, Abril 8, 2001. Walay mga tigom gawas nianang sa pag-alagad sa kanataran nga ipahigayon nianang adlawa. Ang mga ansiyano makahimog haom nga mga kahikayan alang sa Pagtuon sa Bantayanang Torre nga dumalahon sa laing panahon.
◼ Pagbasa sa Bibliya Alang sa Memoryal: Ang tanan gidasig sa pagbasa sa gisugyot nga bahin sa Bibliya sumala sa gipakita sa 2001 Calendar ug sa Pagsusi sa Kasulatan sa Adlaw-Adlaw, sugod sa Abril 3 ug matapos sa adlaw sa Memoryal, Abril 8.
◼ Kadtong nasakop sa kongregasyon kinahanglang magpadala sa tanang bag-o ug gibag-ong mga suskrisyon alang sa Ang Bantayanang Torre ug Pagmata!, lakip ang ilang personal nga mga suskrisyon, pinaagi sa kongregasyon.
◼ Ang Sosyedad dili mopadalag mga hangyo sa literatura sa indibiduwal nga mga magmamantala. Ang nagadumalang magtatan-aw kinahanglang maghikay ug pahibalo nga himoon matag bulan una pa ipadala ngadto sa Sosyedad ang binulang hangyo sa literatura nga iya sa kongregasyon aron ang tanang interesadong makabatog personal nga literatura hayan makapahibalo sa igsoon nga nagdumala sa literatura. Palihog hinumdomi kon unsang mga publikasyona ang mga special-request item.